ក្រុងវ៉ាស៊ីនតោនចេញមុខបកស្រាយ ក្រោយប្រធានាធិបតីតៃវ៉ាន់ថ្លែងសារនយោបាយលើទឹកដីអាមេរិក

2018-08-14 23:48:49
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

រដ្ឋបាល ដូណាល់ ត្រាំ កាលពីថ្ងៃទី១៤ ខែសីហា ២០១៨ ម្សិលមិញ បានចេញមកបកស្រាយថា គ្មានការផ្លាស់ណាមួយនោះទេទៅនឹងគោលនយោបាយចិនតែមួយ។ ការបកស្រាយនេះ គឺក្រោយលោកស្រី Tsai Ing-wen ប្រធានាធិបតីតៃវ៉ាន់បានទៅដល់ក្រុង Los Angeles និងបានថ្លែងសារនយោបាយមួយនៅលើទឹកដីអាមេរិក ដែលអស់រយៈពេល ១៥ឆ្នាំមកហើយ ពុំដែលមានមេដឹកនាំតៃវ៉ាន់រូបណាធ្លាប់បានធ្វើនោះទេ។

លោកស្រី Tsai Ing-wen ប្រធានាធិបតីតៃវ៉ាន់ ថ្លែងសុន្ទរកថាមួយ នៅលើទឹកដីអាមេរិក/ រូបភាព៖ Channel News Asia

ចំណែកខាងចិនវិញបានធ្វើការតវ៉ាផ្លូវការមួយទៅកាន់អាមេរិក ជុំវិញសុន្ទរកថារបស់លោកស្រីប្រធានាធិបតីតៃវ៉ាន់ កាលពីថ្ងៃទី១៤ ខែសីហា ២០១៨ ម្សិលមិញ នៅក្រុង Los Angeles ដែលជាកន្លែងលោកស្រីថ្លែងថា សេរីភាព និងអនាគតតៃវ៉ាន់ មិនបានចរចាទេ។

សូមបញ្ជាក់ថា ការថ្លែងរបស់លោកស្រីប្រធានាធិបតីតៃវ៉ាន់នៅលើទឹកដីអាមេរិក គឺខណៈពេលដែលលោកស្រីត្រូវចូលចតនៅទីនោះ ដើម្បីធ្វើដំណើរទស្សនកិច្ចទៅប្រទេសសម្ព័ន្ធមិត្តចំនួនពីរ គឺ ប៉ារ៉ាហ្កាយ និង Belize ដែលបន្ដទទួលស្គាល់រដ្ឋាភិបាលតៃវ៉ាន់៕

ប្រភព៖ Channelnewsasia ប្រែសម្រួល៖ វាសនា