វៀតណាម គ្រោងកាត់បន្ថយមន្ត្រីស៊ីវិលជាង ៥ពាន់នាក់ នាឆ្នាំ២០១៩ខាងមុខ

2018-08-16 06:29:33
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោកនាយករដ្ឋមន្ត្រីវៀតណាម Nguyen Xuan Phuc បានយល់ព្រមលើគម្រោងកាត់បន្ថយចំនួនមន្ត្រីស៊ីវិល ចំនួន ២% ស្មើនឹងជាង ៥,៥ពាន់នាក់។ ដូច្នេះចំនួនមន្រ្តីស៊ីវិលវៀតណាម នៅឆ្នាំ២០១៩ នឹងមានចំនួនត្រឹម ២៥៩ ៥៩០នាក់ ដែលត្រូវបានកាត់បន្ថយពីចំនួន ២៦៥ ១០០នាក់ក្នុងឆ្នាំ២០១៨។ នេះបើតាមសារព័ត៌មាន Vietnam Express បានចុះផ្សាយនៅថ្ងៃទី១៦ សីហា ឆ្នាំ២០១៨នេះ។

សារព័ត៌មានដដែល បានឲ្យដឹងទៀតថា ចំនួនមន្ត្រីថ្មីនេះ គឺរួមបញ្ចូលគ្រប់មន្ត្រីស៊ីវិលទាំងអស់ ដែលកំពុងធ្វើការនៅស្ថាប័នរដ្ឋ និងអង្គការរដ្ឋបាល ព្រមទាំងមន្ត្រីដែលកំពុងធ្វើការនៅក្រៅប្រទេស សមាគមពិសេស និងមន្ត្រីស៊ីវិលបម្រុងផងដែរ។

លោកនាយករដ្ឋមន្ត្រីវៀតណាម Nguyen Xuan Phuc ថ្លែងនាពេលកន្លងមក (រូបថត៖ Reuters)

យ៉ាងណាមិញ បណ្ដាមន្ត្រីដែលកំពុងធ្វើការនៅក្រសួងសន្តិសុខសាធារណៈ ក្រសួងការពារជាតិ រដ្ឋបាលសាធារណៈ និងមន្ត្រីស៊ីវិលថ្នាក់ឃុំ ត្រូវបានលើកលែងចេញពីគម្រោងកាត់បន្ថយថ្មីនេះ។

គួររម្លឹកថា កាលពីឆ្នាំ២០១៧ នាយករដ្ឋមន្ត្រីវៀតណាម បានបញ្ជាឲ្យការិយាល័យរដ្ឋាភិបាល កាត់បន្ថយចំនួនបុគ្គលិក ចន្លោះពី ១,៥% ទៅ ២% ជារៀងរាល់ឆ្នាំ រយៈពេល ៥ ឆ្នាំទៅមុខទៀត ដើម្បីសន្សំសំចៃថវិការដ្ឋ៕

ប្រភព៖ Vietnam Express ប្រែសម្រួល៖ អឹុម ម៉េងស៊ាង