ថៃកាត់ទោសប្រហារជីវិតបុរស ២នាក់

2018-08-16 23:22:10
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

កាលពីថ្ងៃទី១៦ ខែសីហា ឆ្នាំ២០១៨ បុរស ២នាក់ ត្រូវបានតុលាការថៃសម្រេចប្រកាសដាក់ទោសប្រហារជីវិត ពាក់ព័ន្ធនឹងករណីជួញដូរគ្រឿងញៀនទម្ងន់ ២៨១គីឡូក្រាម កាលពី៣ឆ្នាំមុន។

អ្នកទោសទាំង២ មានឈ្មោះ Tun Hun និង Walaipan Petchpong អាយុ៦៦ឆ្នាំ ជាជនជាតិម៉ាឡេស៊ី។ ពួកគេត្រូវបានតុលាការកាត់ទោសពីបទចូលរួមប្រព្រឹត្តិបទល្មើសគ្រឿងញៀនជាច្រើនករណី ផ្ដល់ជម្រកឲ្យជនល្មើសគ្រឿងញៀន និងជួញដូរគ្រឿងញៀនប្រភេទ Meth និងទឹកកក។ ការកាត់ទោសប្រហារនេះ ធ្វើឡើងទៅតាមច្បាប់បទល្មើសគ្រឿងញៀនរបស់ថៃដែលបានចែងនៅឆ្នាំ ១៩៧៩ និងឆ្នាំ១៩៩១។

(រូបតំណាង)/ រូបភាព៖ Zee News

សូមបញ្ជាក់ថា ដើមឡើយ តុលាការថៃ ត្រូវកាត់ទោសប្រហារជីវិតមនុស្ស៤នាក់ នៅក្នុងករណីនេះ តែមានអ្នកទោស២នាក់បានសារភាព និងផ្ដល់ភស្ដុតាងសំខាន់ឲ្យតុលាការទើបត្រូវកាត់បន្ថយទោសមកត្រឹមជាប់ពន្ធនាគារអស់១ជីវិតវិញ។ អ្នកទោសដែលសារភាព មានឈ្មោះថា Cheng Mi Hsu អាយុ៧០ឆ្នាំ ជាជនជាតិតៃវ៉ាន់ និង Wiparat Karndee អាយុ៥១ឆ្នាំ ជនជាតិថៃ៕

ប្រភព៖ Bangkokpost ប្រែសម្រួល៖ ឈាង.