ត្រឹមឆ្នាំ២០១៩ ទីប្រជុំជនក្រុងសៀមរាបនឹងគ្មានខ្សែកាបលើអាកាសទៀតឡើយ
- 2018-08-17 00:25:42
- ចំនួនមតិ 0 | ចំនួនចែករំលែក 0
ត្រឹមឆ្នាំ២០១៩ ទីប្រជុំជនក្រុងសៀមរាបនឹងគ្មានខ្សែកាបលើអាកាសទៀតឡើយ
ចន្លោះមិនឃើញ
បើតាមផែនការរបស់អាជ្ញាធរគឺនៅឆ្នាំ២០១៩ខាងមុខ ទីប្រជុំជនក្រុងសៀមរាប នឹងគ្មានខ្សែកាប ខ្សែអ៊ីនធឺណិត និងខ្សែភ្លើងនៅលើអាកាសបន្តទៀតឡើយ។ នេះជាការលើកឡើងរបស់លោក ពិន ប្រាកដ អភិបាលរងខេត្តសៀមរាប កាលពីព្រឹកថ្ងៃទី១៦ ខែសីហា ឆ្នាំ២០១៨ នៅក្នុងប្រតិបត្តិការចុះកាត់ទម្លាក់ខ្សែកាប ខ្សែអ៊ីនធឺណិត និងខ្សែភ្លើង ដោយឲ្យក្រុមហ៊ុនពាក់ព័ន្ធងាកមកប្រើបណ្ដាញខ្សែអ៊ុបទិចក្រោមដីវិញ។
លោកអភិបាលរង បានបញ្ជាក់ថា មុននឹងមានវិធានការកាត់ខ្សែទាំងនេះ អាជ្ញាធរខេត្តបានជូនដំណឹង និងជួបប្រជុំជាមួយបណ្ដាក្រុមហ៊ុនពាក់ព័ន្ធជាច្រើនដងហើយ ដោយទុកពេលឲ្យក្រុមហ៊ុនធ្វើការរុះរើ និងកាត់ដោយខ្លួនឯង។ យ៉ាងណាមិញ មានក្រុមហ៊ុនមួយចំនួនបានរុះរើខ្លួនឯង និងមានខ្លះមិនបានធ្វើតាម ដូច្នេះទើបកាលពីម្សិលមិញអាជ្ញាធរសម្រេចចុះកាត់ចោលតែម្ដង។ លោកពន្យល់ថា មូលហេតុដែលទាមទារឲ្យប្រើប្រាស់ខ្សែក្រោមដីវិញ ធ្វើឡើងក្នុងគោលបំណងលើកតម្កើនសោភណភាពក្រុង និងកាត់បន្ថយហានិភ័យផ្សេងៗ៕