ប្រទេសអាស៊ាន៣ ប្រកាសហាមឃាត់ការនាំចូលសំរាមពីបរទេស

2018-08-17 02:31:50
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រោយពីមហាយក្សចិនចេញច្បាប់ថ្មីឈប់នាំចូលសំរាមពីបរទេស បណ្ដាប្រទេសមួយចំនួននៅអាស៊ានបានចាប់ផ្ដើមកើតក្ដីព្រួយបារម្ភថា ខ្លួននឹងអាចក្លាយជាទីកន្លែងចាក់ចោលសំរាមថ្មីជំនួសឲ្យប្រទេសចិន។ ផ្អែកទៅលើមូលហេតុនេះហើយទើបប្រទេសអាស៊ានចំនួន ៣ គឺថៃ វៀតណាម និងម៉ាឡេស៊ី សម្រេចហាមឃាត់ការនាំចូលសំរាមពីបរទេស។

ថៃនឹងឈប់ទទួលយកសំរាមអេឡិចត្រូនិចចំនួន ៤៣២ប្រភេទពីបរទេស ដែលក្នុងនោះមានដូចជាបន្ទះសៀគ្វីអគ្គិសនី ទូរទស្សន៍ និងគ្រឿងបន្លាស់អេឡិចត្រូនិចចាស់ៗ ជាដើម។ ការអនុម័តទៅលើបម្រាមថ្មី នឹងត្រូវធ្វើឡើងក្នុងរយៈពេល៦ខែខាងមុខ។ នេះបើយោងតាមក្រសួងបរិស្ថានថៃ កាលពីថ្ងៃទី១៦ ខែសីហា ឆ្នាំ២០១៨។

ដោយឡែក កាលពីចុងខែកក្កដា និងដើមខែសីហា វៀតណាម និងម៉ាឡេស៊ី ក៏បានបង្ហាញពីជំហររបស់ខ្លួនក្នុងការបញ្ឈប់ការនាំចូលសំរាមពីបរទេសផងដែរ។ ការហាមឃាត់របស់វៀតណាម ផ្ដោតសំខាន់ទៅលើប្រភេទសំរាមប្លាស្ទិក ក្រដាស និងលោហធាតុ ខណៈឯម៉ាឡេស៊ី បានដកហូតសិទ្ធិនាំចូលសំរាមប្លាស្ទិកបរទេសពីរោងចក្រចំនួន ១១៤កន្លែង៕

ប្រភព៖ telegraph | Waste 360 ប្រែសម្រួល៖ ឈាង.