ទីតាំងទ័ពកម្ពុជានៅជាប់ព្រំដែនឡាវ កំពុងលិចលង់ដោយសារទឹកជំនន់

2018-08-17 03:57:34
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

កងពលតូចថ្មើរជើងលេខ១២៨ ដែលមានទីតាំងនៅខេត្តស្ទឹងត្រែង ជាប់ព្រំប្រទល់ប្រទេសឡាវ កំពុងរងការលិចលង់ ព្រោះតែជំនន់ទឹកភ្លៀង។ នេះបើយោងតាមការបង្ហោះរបស់ហ្វេសប៊ុក អគ្គនាយកដ្ឋាន ភស្ដុភារ ហិរញ្ញវត្ថុ នៃក្រសួងការពារជាតិ នៅព្រឹកថ្ងៃទី១៧ ខែសីហា ឆ្នាំ២០១៨។

ទីតាំងកងពលតូចថ្មើរជើងលេខ១២៨ ដែលលិច/ រូបភាព៖ អគ្គនាយកដ្ឋាន ភស្ដុភារ ហិរញ្ញវត្ថុ នៃក្រសួងការពារជាតិ

បើតាមប្រភពដដែល បានបញ្ជាក់ថា ទឹកជំនន់បានបុកចូលនៅទីតាំងកងពលខាងលើ កាលពីថ្ងៃទី១៥ ខែសីហា នៅវេលាម៉ោង៧យប់។ យ៉ាងណាមិញ សម្ភារៈ និងស្បៀងអាហារទាំងអស់របស់កងពលតូចថ្មើរជើងលេខ១២៨ មិនបានទទួលការខូចខាតនោះទេ ព្រោះត្រូវបានបញ្ជូនទៅកាន់ទីទួលសុវត្ថិភាពទាន់ពេលវេលា។

សូមជម្រាបថា កងពលតូចថ្មើរជើងលេខ១២៨ ឬហៅថាកងពលតូចអន្តរាគមន៍លេខ១២៨ ត្រូវបានសម្រេចបង្កើតឡើងដោយសម្ដេចនាយករដ្ឋមន្ត្រី ហ៊ុន សែន កាលពីថ្ងៃទី១៦ ខែសីហា ឆ្នាំ២០១៧ ដើម្បីចំណុះឲ្យយោធភូមិភាគទី១ ប្រចាំខេត្តស្ទឹងត្រែង។ សម្ដេច ហ៊ុន សែន បានបញ្ជាក់ថា ការបង្កើតនេះ មិនសំដៅធ្វើសង្គ្រាមជាមួយប្រទេសជិតខាងឡើយ តែសំដៅទៅលើកិច្ចការពារជាតិ ការពារប្រជាជន និងទំនាក់ទំនងល្អជាមួយនឹងប្រទេសជិតខាង៕