កម្ពុជាកំណត់គោលដៅចំនួនមេដាយមាស ដែលរំពឹងដណ្ដើមបាននៅ Asian Games

2018-08-17 07:52:48
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក ថោង ខុន រដ្ឋមន្ត្រីក្រសួងទេសចរណ៍ និងជាប្រធានគណៈកម្មាធិការជាតិអូឡាំពិកកម្ពុជា បានបង្ហាញក្ដីរំពឹងខ្ពស់ ក្នុងការដណ្ដើមមេដាយមាសឲ្យបានលើសពី ២ ពេលចូលរួមប្រកួតកីឡាអាស៊ី (Asian Games) នៅឥណ្ឌូណេស៊ី ចាប់ពីថ្ងៃទី១៨ ខែសីហា ដល់ថ្ងៃទី២ ខែកញ្ញា ឆ្នាំ២០១៨។

លោក ថោង ខុន បានដឹកនាំប្រតិភូ និងកីឡាករកម្ពុជាទៅចូលរួមប្រកួតកីឡាអាស៊ី នៅព្រឹកថ្ងៃទី១៧ ខែសីហា ឆ្នាំ២០១៨ ដោយក្នុងនោះមានប្រភេទកីឡាចំនួន ៥ ឯប្រភេទកីឡាមួយចំនួនទៀតនឹងត្រូវចេញដំណើរនៅថ្ងៃបន្តបន្ទាប់។

លោករដ្ឋមន្ត្រី បានថ្លែងថា "ក្នុងការចេញដំណើរទៅលើកនេះប្រកបដោយក្តីសង្ឃឹម ពីព្រោះកាលពីកីឡាអាស៊ី ឆ្នាំ២០១៤ កម្ពុជាឈ្នះមេដាយមាស១គ្រឿង លើប្រភេទកីឡាតេក្វាន់ដូ ដែលដណ្តើមបានដោយកីឡាការិនី ស៊ន សៀវម៉ី ជាលើកដំបូង ក្រោយរយៈពេល៦០ឆ្នាំ ដែលកាលនោះគណៈកម្មាធិការជាតិអូឡាំពិកកម្ពុជា រាជរដ្ឋាភិបាលកម្ពុជា ក៏ដូចជាជាតិទាំងមូលបានដាក់យុទ្ធសាស្ត្រថា ធ្វើយ៉ាងណាឈ្នះមេដាយមាស១គ្រឿង ដោយកម្ពុជាយើងសម្រេចបានតាមគោលដៅពិតប្រាកដមែន"។

ក្រៅពីមេដាយមាស លោក ថោង ខុន ក៏រំពឹងថា កម្ពុជានឹងឈ្នះមេដាយប្រាក់ និងសំរឹទ្ធិមួយចំនួនផងដែរ។

ប្រភេទកីឡា ដែលកម្ពុជាសង្ឃឹមនឹងអាចដណ្ដើមមេដាយមាសបាន មានដូចជា តេក្វាន់ដូ ម៉ូតូទឹក និងជឺជីតស៊ូ ដែលជាប្រភេទកីឡាថ្មីសម្រាប់កម្ពុជា។

សូមបញ្ជាក់ថា ១៣ប្រភេទកីឡាដែលកម្ពុជាបញ្ជូនទៅប្រកួតកីឡាអាស៊ី ឆ្នាំ២០១៨ រួមមាន៖

១. ចំបាប់ ៧ នាក់

២. តេក្វាន់ដូ ៨ នាក់

៣. កីឡាហែលទឹក ៤ នាក់

៤. កីឡាចាក់សាប ៥ នាក់

៥. កាយសម្ព័ន្ធ ២ នាក់

៦. កីឡាទូកក្ដោង ៤ នាក់

៧. ជិះស្គី ៣ នាក់

៨. ជឺជីតស៊ូ (Jujitsu) ៣នាក់

៩. អត្តពលកម្ម ៦ នាក់