អង់គ្លេស អញ្ជើញរដ្ឋមន្រ្តីមហាផ្ទៃ ទៅចូលរួមវេទិកា "ការប្រយុទ្ធប្រឆាំងការជួញដូរសត្វព្រៃ"

2018-08-17 12:31:02
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

រដ្ឋាភិបាលនៃចក្រភពអង់គ្លេស បានអញ្ជើញសម្តេច ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ទៅចូលរួមវេទិកាស្តីពី "ការប្រយុទ្ធប្រឆាំងការជួញដូរសត្វព្រៃ" នៅទីក្រុងឡុងដ៍ ប្រទេសអង់គ្លេស នាខែតុលា ឆ្នាំ២០១៨ ខាងមុខនេះ។ ការអញ្ជើញនេះ ធ្វើឡើងតាមរយៈលោកស្រី Tina Susan Redshaw ឯកអគ្គរាជទូតអង់គ្លេសប្រចាំកម្ពុជា នៅក្នុងជំនួបពិភាក្សាជាមួយសម្តេច ស ខេង នារសៀលថ្ងៃទី១៧ ខែសីហា ឆ្នាំ២០១៨ នៅទីស្តីការក្រសួងមហាផ្ទៃ។

លោកស្រិ Tina Susan Redshaw ក្នុងជំនួបជាមួយសម្តេច ស ខេង នារសៀលថ្ងៃទី១៧ សីហា ២០១៨។ រូបថត៖ ផ្តល់ឱ្យ

ជាការឆ្លើយតប សម្តេច ស ខេង បានអបអរសាទរចំពោះគំនិតផ្តួចផ្តើមទាំងឡាយរបស់ចក្រភពអង់គ្លេស ពាក់ព័ន្ធនឹងការប្រយុទ្ធប្រឆាំងសត្វព្រៃ។ សម្តេចបានលើកឡើងថា កម្ពុជានៅតែបន្តខិតខំចូលរួមជាមួយយន្តការផ្សេងៗ ក្នុងការទប់ស្កាត់ការជួញដូរសត្វព្រៃគ្រប់ប្រភេទ។

ក្រៅពីការអញ្ជើញនេះ ភាគីទាំង២ ក៏បានលើកឡើងបញ្ហាផ្សេងៗទៀតផងដែរ ដូចជា ការអប់រំ និងការលើកកម្ពស់ការចូលរួមរបស់ស្ត្រីនៅគ្រប់វិស័យ ទាំងសង្គម នយោបាយ និងពាណិជ្ជកម្មផងដែរ៕

អត្ថបទ៖ សោភា