អាជ្ញាធរ ផ្អាកការធ្វើចរាចរណ៍ទាំងស្រុងនៅលើកំណាត់ផ្លូវជាតិលេខ៤ ព្រឹកនេះ

2018-08-19 02:15:56
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រសួងធនធានទឹក និងឧតុនិយម បានឱ្យដឹងថា ការធ្វើចរាចរណ៍នៅលើកំណាត់ផ្លូវជាតិលេខ៤ ត្រង់ចំណុចស្ពានសំរាង (គីឡូម៉ែត្រលេខ ១១៦-១១៧) ភូមិស្ទឹងសំរោង ឃុំអូរបាក់រទេះ ស្រុករទេះ ស្រុកកំពង់សីលា ខេត្តព្រះសីហនុ ត្រូវបានអាជ្ញាធរផ្អាកទាំងស្រុងហើយនាព្រឹកថ្ងៃទី១៩សីហានេះ។ មូលហេតុគឺដោយសារភ្លៀងនៅបន្តធ្លាក់ ធ្វើឱ្យទឹកជំនន់នៅត្រង់ចំណុចនេះ បានកើនឡើងមួយកម្រិតបន្ថែមទៀត និងកំពុងហូរកាត់ពីលើផ្លូវ និងស្ពាន ប្រវែងជាង ៣០០ម៉ែត្រ។

ជំនន់ទឹកភ្លៀងនៅលើផ្លូវជាតិលេខ៤ ត្រង់ចំណុចស្ពានសំរោង នាព្រឹកថ្ងៃទី១៩សីហា ២០១៨។ រូបថត៖ ក្រសួងធនធានទឹក

សូមរំលឹកថា កាលពីព្រឹកម្សិលមិញនេះ អាជ្ញាធរក៏បានផ្អាកការធ្វើចរាចរណ៍នៅកំណាត់ផ្លូវជាតិលេខ៤ ត្រង់ចំណុចស្ពានអូរគគី (គីឡូម៉ែត្រលេខ ១០៦-១០៧) ភូមិស្ទឹងច្រាល ឃុំអូរបាក់រទេះ ស្រុកកំពង់សីលា ខេត្តព្រះសីហនុផងដែរ ដោយសារតែ បរិមាណទឹកភ្លៀងដែលបានធ្លាក់ច្រើននៅតំបន់ជួរភ្នំក្រវាញ បានបង្កឲ្យមានជំនន់ទឹកភ្លៀង ជន់ហូរកាត់ផ្លូវត្រង់ចំណុចនេះ។ ប៉ុន្តែនៅពេលរសៀល អាជ្ញាធរបានបើកការធ្វើចរាចរណ៍ជាធម្មតាវិញ បន្ទាប់ពីទឹកបានស្រកចុះ៕

អត្ថបទ៖ សំភី