ប្រឡងបាក់ឌុប៖ បញ្ជីឈ្មោះ លេខតុ-បន្ទប់ ត្រូវបានបិទនៅគ្រប់មណ្ឌលប្រឡងហើយ

2018-08-19 03:24:26
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រសួងអប់រំ យុវជន និងកីឡា បានឱ្យដឹងនៅព្រឹកថ្ងៃទី១៩ ខែសីហានេះថា បញ្ជីឈ្មោះ លេខតុ លេខបន្ទប់បេក្ខជន តារាងប្រព្រឹត្តទៅនៃវិញ្ញាសា បទប្បញ្ញត្តិប្រឡង និងប្លង់បន្ទប់ នៃការប្រឡងសញ្ញាបត្រមធ្យមសិក្សាទុតិយភូមិ ត្រូវបានបិទនៅតាមគ្រប់មណ្ឌលប្រឡងទូទាំង ២៥រាជធានី-ខេត្តហើយ។ ការប្រឡងនេះ នឹងប្រព្រឹត្តធ្វើឡើងនៅថ្ងៃទី២០-២១ សីហា ២០១៨។

បេក្ខជនប្រឡងបាក់ឌុបឆ្នាំ២០១៨ កំពុងស្វែងរកឈ្មោះខ្លួន នៅមណ្ឌលប្រឡងមួយកន្លែង នាព្រឹកថ្ងៃទី១៩សីហា ២០១៨។ រូបថត៖ ក្រសួងអប់រំ

ក្រសួងអប់រំបន្តថា ការប្រឡងសញ្ញាបត្រមធ្យមសិក្សាទុតិយភូមិឆ្នាំ២០១៨នេះ សិស្សដែលបានដាក់ពាក្យប្រឡងមានចំនួន ១១៧ ០៦១នាក់ ចែកចេញជាពីរក្រុម គឺថ្នាក់វិទ្យាសាស្ត្រចំនួន ៥១,៧ភាគរយ និងថ្នាក់វិទ្យាសាស្ត្រសង្គមចំនួន ៤៨,៣ភាគរយ។ មណ្ឌលប្រឡងមានចំនួន ១៩៥ មណ្ឌល ក្នុងនោះមណ្ឌលប្រឡងថ្នាក់វិទ្យាសាស្ត្រមានចំនួន ៩៩មណ្ឌល និងថ្នាក់វិទ្យាសាស្ត្រសង្គមមានចំនួន ៩៦មណ្ឌល ព្រមទាំង ៤ ៧១៦បន្ទប់៕

អត្ថបទ៖ សំភី