ខេត្តបាត់ដំបង កំពុងទទួលបានការទាក់ទាញលើការវិនិយោគអចលទ្រព្យ

2018-08-19 04:18:38
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

អូរតាគី គឺជាឃុំមួយស្ថិតនៅស្រុកថ្មគោល ជាប់ព្រំប្រទល់ក្រុងបាត់ដំបង ខេត្តបាត់ដំបង ដែលជាតំបន់លេចធ្លោជាងគេមួយនៅភូមិភាគពាយព្យ ព្រោះតំបន់នេះ កំពុងមានការអភិវឌ្ឍជាបន្តបន្ទាប់ ដែលអ្នកវិនិយោគក្នុងស្រុក និងក្រៅស្រុក បានដាក់ទុនវិនិយោគសាងសង់ទៅលើគម្រោងបូរី ដីឡូតិ៍ និងគម្រោងអភិវឌ្ឍន៍ផ្សេងៗជាច្រើនទៀត។

លោក ឡែមឌឿន ដាឡឹម អគ្គនាយកក្រុមហ៊ុនអចលនទ្រព្យ អេតសឹលូសិន រៀលអ៊ីស្ទេត បានថ្លែងប្រាប់ឱ្យដឹងកាលពីពេលថ្មីៗនេះថា វិស័យអចលនទ្រព្យក្នុងខេត្តបាត់ដំបង ជាពិសេសក្នុងក្រុង និងតំបន់ជាប់ក្រុងបាត់ដំបង មានសញ្ញាល្អប្រសើរ ទោះបីជាតម្រូវការនៅមានកម្រិតក៏ដោយ។ លោកថា នៅពេលអនាគត ខេត្តមួយនេះ អាចនឹងជាប់ចំណាត់ថ្នាក់លេខពីរ លើតម្រូវការលំនៅឋាន បន្ទាប់ពីរាជធានីភ្នំពេញ។

លោកបន្តទៀតថា ថ្មីនេះៗ ការសាងសង់ផ្លូវអាស៊ាន ៦០ម៉ែត្រ កៀកនឹងតំបន់ស្ពានអូរតាគី និងគម្រោងអភិវឌ្ឍន៍បូរី ដីឡូតិ៍ ផ្សារ និងរមណីយដ្ឋាន បានធ្វើឱ្យដីធ្លីនៅតំបន់នេះ មានហាងឆេងល្អជាងមុន។ ការរីកចម្រើនលើវិស័យអចលនទ្រព្យ នៅតំបន់អូរតាគីនេះ ក៏អាស្រ័យដោយសារសាលាខេត្តបាត់ដំបង មានប្លង់មេសម្រាប់ការអភិវឌ្ឍច្បាស់លាស់។

ចំណែកលោក ខៀវ ឃៀង ជាវិនិយោគិន និងជាម្ចាស់គម្រោងអភិវឌ្ឍន៍លើដីឡូតិ៍ ផ្ទះល្វែង និងផ្សារសហគមន៍ទំនើប បានមានប្រសាសន៍ថា គម្រោងអភិវឌ្ឍន៍របស់លោក នៅជិតទល់មុខនឹងផ្លូវអាស៊ាន៦០ម៉ែត្រ ដែលជាផ្លូវសេដ្ឋកិច្ចដ៏សំខាន់។ គម្រោងអភិវឌ្ឍន៍របស់លោក គឺចំណាយទឹកប្រាក់ប្រមាណជិត ៥លានដុល្លារជាជំហ៊ានដំបូង។

លោក ខៀវ ឃៀង ជាអ្នកវិនិយោគម្នាក់នៅខេត្តបាត់ដំបង

លោកបន្តថា ដោយសារការមើលឃើញពីភាពរីកចម្រើននៅក្នុងខេត្តបាត់ដំបង ជាពិសេសនៅតំបន់ស្ពានអូរតាគីនេះ និងតម្រូវការរបស់ប្រជាពលរដ្ឋ ក្នុងខេត្តផង ទើបលោកសម្រេចចិត្តបោះទុនវិនិយោគ លើវិស័យអចលនទ្រព្យនេះ។

លោក ខៀវ ឃៀង ក៏បានលើកឡើងបន្ថែមទៀតដែរថា ការវិនិយោគលើវិស័យអចលនទ្រព្យនេះ គឺជាចាប់ផ្តើមដំបូងបំផុតរបស់លោក។ គម្រោងអភិវឌ្ឍន៍នេះ គឺលោកបានសហការជាមួយអាជ្ញាធរមូលដ្ឋានរហូតដល់ខេត្ត និងសហការជាមួយអ្នកជំនាញ ដែលមានវិជ្ជាជីវៈច្បាស់លាស់។ ហើយការលក់ជូនអតិថិជន គឺលក់ក្នុងតម្លៃទាប និងធានាតម្លៃលើទីផ្សារ ព្រមទាំងផ្តល់ប្លង់រឹងជូនអតិថិជនគ្រប់រូបទៀតផង។

លោកអះអាងថា ការវិនិយោគនៅតំបន់នេះ មិនមែនមានតែលោកទេ គឺមានវិនិយោគិនផ្សេងៗទៀត ក៏ទៅអភិវឌ្ឍនៅតំបន់ស្ពានអូរតាគីនោះផងដែរ៕

ប្រភព៖ ដើមអម្ពិល ប្រែសម្រួល៖ សំភី