រញ្ជួយដីវាយប្រហារ កោះ Lombok ឥណ្ឌូណេស៊ីជាថ្មី ក្រោយមានមនុស្សស្លាប់ជាង ៤០០នាក់

2018-08-19 06:34:37
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

រញ្ជួយដីមួយកម្រិត ៦,៣រ៉ិចទ័រ បានវាយប្រហារកោះ Lombok ប្រទេសឥណ្ឌូណេស៊ី ជាថ្មីទៀត នាថ្ងៃទី១៩សីហានេះ បន្ទាប់ពីកោះនេះ បានរងការរញ្ជួយដីដ៏ខ្លាំងរួចមកហើយកាលពីដើមខែនេះ បណ្តាលឱ្យមានអ្នកស្លាប់ជាង ៤០០នាក់។

ភ្នាក់ងារអង្កេតភូគព្ភសាស្រ្តអាមេរិក (USGS) បានឱ្យដឹងថា រញ្ជួយដីនេះ បានកើតឡើងភាគខាងកើតកោះ Lombok ដែលមានជម្រៅ ៧,៩ម៉ែត្រ។

ផែនទីបង្ហាញចំណុចរញ្ជួយដីនៅកោះ Lombok នាថ្ងៃទី១៩សីហា ២០១៨។ រូបភាព៖ USGS

មន្រ្តីឥណ្ឌូណេស៊ី បានបញ្ជាក់ថា រញ្ជួយដីនេះមិនបានបង្កជារលកយក្សស៊ូណាមិឡើយ។ ចំណែកចំនួនអ្នកស្លាប់ និងរងបួស ក៏មិនទាន់មានរបាយការណ៍បញ្ជាក់ដែរ ប៉ុន្តែវាបានធ្វើឱ្យមនុស្សនៅលើកោះនេះ ត្រូវរត់ភៀសខ្លួនចេញពីផ្ទះរបស់ពួកគេ។

សូមរំលឹកថា កាលពីថ្ងៃទី៥ ខែសីហា រញ្ជួយដីកម្រិត ៦,៩រ៉ិចទ័រ បានវាយប្រហារកោះ Lombok បណ្តាលឱ្យមានអ្នកស្លាប់ ៤៦០នាក់ និងរបួសរាប់ម៉ឺននាក់ ព្រមទាំងធ្វើឱ្យមនុស្សប្រមាណ ៣៥ម៉ឺននាក់គ្មានទីជម្រកផងដែរ៕

ប្រភព៖ Straits Times ប្រែសម្រួល៖ សំភី