នាយករដ្ឋមន្រ្តីថ្មីរបស់អូស្រ្ដាលី ប្រកាសព្យាបាលរបួសក្នុងបក្ស
- 2018-08-26 23:51:16
- ចំនួនមតិ 0 | ចំនួនចែករំលែក 0
នាយករដ្ឋមន្រ្តីថ្មីរបស់អូស្រ្ដាលី ប្រកាសព្យាបាលរបួសក្នុងបក្ស
ចន្លោះមិនឃើញ
លោក Scott Morrison នាយករដ្ឋមន្រ្តីថ្មីរបស់អូស្រ្ដាលី កាលពីថ្ងៃទី២៦ ខែសីហា ២០១៨ ម្សិលមិញ បាននិយាយថា គណៈរដ្ឋមន្រ្តីរបស់លោកនឹងចាប់ផ្ដើមដំណើរការព្យាបាលនៅក្នុងគណបក្សកាន់អំណាច ក្រោយមួយសប្ដាហ៍នៃការប្រកួតប្រជែងថ្នាក់ដឹកនាំ។
លោក Morrison អតីតរដ្ឋមន្រ្តីហិរញ្ញវត្ថុអូស្រ្ដាលី បានធ្វើសច្ចាប្រណិធានចូលកាន់តំណែងនាយករដ្ឋមន្រ្តី កាលពីថ្ងៃសុក្រ សប្ដាហ៍មុន បន្ទាប់ពីទទួលបានការបោះឆ្នោតគាំទ្រច្រើនជាងលោក Malcolm Turnbull អតីតនាយករដ្ឋមន្រ្តីអូស្រ្ដាលី នៅក្នុងគណបក្សសេរី។
លោក Morrison លើកឡើងថា "អ្វីដែលយើងបានធ្វើថ្ងៃនេះ គឺកំពុងរុញក្រុមការងារនេះជាមួយគ្នា ដើម្បីផ្ដល់នូវស្ថិរភាព... វាគឺជាការចាប់ផ្ដើមដំណើរការនៃការព្យាបាល"។
សូមបញ្ជាក់ថា កាលពីម្សិលមិញ លោកស្រី Julie Bishop ក៏បានលាលែងពីរដ្ឋមន្រ្តីការបរទេសអូស្រ្ដាលីផងដែរ ដោយលោក Marise Paye អតីតរដ្ឋមន្រ្តីការពារជាតិ បានមកកាន់តំណែងរដ្ឋមន្រ្តីការបរទេសជំនួសវិញ៕