Asian Games៖ ជប៉ុន ឡើងទៅវគ្គផ្តាច់ព្រ័ត្រ រកមេដាយមាសលើកទី២លើវិញ្ញាសាបាល់ទាត់បុរស

2018-08-29 23:21:45
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រុមបាល់ទាត់បុរស U23 ជប៉ុន បានឡើងទៅកាន់វគ្គផ្តាច់ព្រ័ត្រ លើវិញ្ញាសាបាល់ទាត់បុរស ព្រឹត្តិការណ៍ Asian Games បន្ទាប់ពីបានយកឈ្នះក្រុម U23 អារ៉ាប់រួម ដោយលទ្ធផល ១-០ ក្នុងវគ្គពាក់កណ្ដាលផ្តាច់ព្រ័ត្រ នៅប្រទេសឥណ្ឌូណេស៊ី កាលពីយប់មិញ។

ជប៉ុន បានរកគ្រាប់ជ័យជម្នះពីខ្សែប្រយុទ្ធ Ayase Ueda នៅនាទី៧៨ ។

លទ្ធផលនេះ ជួយឲ្យជប៉ុន បានឡើងទៅប៉ះក្រុម កូរ៉េខាងត្បូង ដែលបានយកឈ្នះ វៀតណាម ដោយលទ្ធផល ៣-១ នៅវគ្គពាក់កណ្ដាលផ្តាច់ព្រ័ត្រ។ ការប្រកួត នឹងត្រូវធ្វើឡើងនាថ្ងៃទី១ ខែកញ្ញា ឆ្នាំ២០១៨ វេលាម៉ោង ៦:៣០ នាទីល្ងាច។

ដោយឡែក វៀតណាម នឹងជួប អារ៉ាប់រួម ដណ្ដើមយកលេខ៣ មេដាយសំរឹទ្ធ នៅថ្ងៃជាមួយគ្នា វេលាម៉ោង ៣រសៀល។

សូមជម្រាបថា ជប៉ុនជាម្ចាស់មេដាយមាសវិញ្ញាសាបាល់ទាត់បុរស កាលពី Asian Games ឆ្នាំ២០១០ ខណៈកូរ៉េខាងត្បូង ជាប្រទេសដែលធ្លាប់ឈ្នះមេដាយមាសលើវិញ្ញាសានេះច្រើនជាងគេ ចំនួន ៤លើក ពោលគឺឈ្នះក្នុងឆ្នាំ១៩៧០, ១៩៧៨, ១៩៨៦ និង ២០១៤៕