ប្រទេសថៃ ឈប់ទទួលស្រ្តីឲ្យចូលរៀនជំនាញប៉ូលិសហើយ
- 2018-09-03 04:21:57
- ចំនួនមតិ 0 | ចំនួនចែករំលែក 0
ប្រទេសថៃ ឈប់ទទួលស្រ្តីឲ្យចូលរៀនជំនាញប៉ូលិសហើយ
ចន្លោះមិនឃើញ
ការិយាល័យប៉ូលិសថៃបានផ្ដល់ភ្លើងខៀវដល់សាលាបណ្ដុះបណ្ដាលប៉ូលិសថៃ ឲ្យទទួលយកសិស្សប្រុសតែប៉ុណ្ណោះ សម្រាប់ឆ្នាំសិក្សា២០១៩ ខាងមុខ។ នេះបើយោងតាមបទបញ្ជាដែលចុះហត្ថលេខា ដោយលោក Kittarat Punphet អគ្គនាយករងនៃការិយាល័យធនធានមនុស្ស កាលពីថ្ងៃទី២៨ ខែសីហា ២០១៨។
តាមបទបញ្ជាដដែលនេះ បញ្ជាក់ថា សាលាបណ្ដុះបណ្ដាលប៉ូលិសថៃនឹងទទួលសិស្ស ២៨០នាក់នៅឆ្នាំ២០១៩ ហើយមានតែបុរសប៉ុណ្ណោះ ដែលអាចដាក់ការស្នើសុំចូលរៀនបាន។ ក្នុងបទបញ្ជានេះ ពុំមានការពន្យល់ពីមូលហេតុដែលបញ្ឈប់ការទទួលសិស្សស្រីឲ្យចូលរៀនទេ។
សូមបញ្ជាក់ថា សាលាបណ្ដុះបណ្ដាលប៉ូលិសថៃបានទទួលសិស្សស្រីឲ្យចូលរៀនចាប់តាំងពីឆ្នាំ២០០៩៕