សម្ដេច ហ៊ុន សែន ជួបជាមួយម្ចាស់មេដាយមាស Asian Games នៅល្ងាចនេះ

2018-09-03 04:47:53
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

សម្តេច ហ៊ុន សែន នាយករដ្ឋមន្ត្រី នឹងអញ្ជើញជាអធិបតីក្នុងពិធីអបអរសាទរកីឡាការិនី ខាន់ ចេសា និងកីឡាករ សាលី អ៊ូមើត ដែលទទួលបានជយលាភីមេដាយមាសក្នុងការប្រកួតកីឡាអាស៊ីលើកទី១៨ នៅទីក្រុងហ្សាកាតា-ប៉ាឡាំបាំង ប្រទេសឥណ្ឌូណេស៊ី នាល្ងាចថ្ងៃទី៣ ខែកញ្ញា ឆ្នាំ២០១៨ នេះ នៅវិមានសន្តិភាព។

សម្ដេច ហ៊ុន សែន ថ្លែងក្នុងពិធីជួបជាមួយថ្នាក់ដឹកនាំគណបក្សនយោបាយចំនួន ១៦ នាពេលកន្លងទៅ

កីឡាការិនី ខាន់ ចេសា បានដណ្ដើមមេដាយមាសទី១ សម្រាប់កម្ពុជា ក្នុងព្រឹត្តិការណ៍កីឡា Asian Games ២០១៨ នៅប្រទេសឥណ្ឌូណេស៊ី ក្នុងប្រភេទកីឡាជូជិតស៊ូ (Ju-Jitsu) វិញ្ញាសាវាយទោលនារី ទម្ងន់ក្រោម ៤៩គីឡូក្រាម។ ចំណែកកីឡាករ សាលី អ៊ូមើត បានឈ្នះមេដាយមាស ១គ្រឿង លើវិញ្ញាសា Ski Modified និងមេដាយសំរឹទ្ធ ១គ្រឿង លើវិញ្ញាសា Runabout 1100 Stoke ប្រភេទកីឡាម៉ូតូទឹក។

កីឡាការិនី ខាន់ ចេសា ក្នុងពិធីបំពាក់មេដាយ

សម្ដេចនាយករដ្ឋមន្រ្តី ហ៊ុន សែន តាមរយៈទំព័រហ្វេសប៊ុក ធ្លាប់បានលើកឡើងថា "នេះជាមោទនភាពថ្មីមួយទៀត សម្រាប់ប្រទេសកម្ពុជា ដែលកីឡាការិនី ខាន់ ចេសា... ឈ្នះមេដាយមាស ក្នុងការប្រកួតកីឡាអាស៊ី (Asian Games) លើកទី១៨ នៅប្រទេសឥណ្ឌូណេស៊ី"។

ចំណែកស្ថានទូតអាមេរិក តាមរយៈទំព័រហ្វេសប៊ុករបស់ខ្លួន កាលពីថ្ងៃទី២៧ ខែសីហា ២០១៨ ក៏បានលើកឡើងថា "Jessa Khan ដែលជាជនជាតិអាមេរិកមានដើមកំណើតខ្មែរ បានឈ្នះមេដាយមាសផ្នែកកីឡា Jiu Jitsu ជាប្រវត្តិសាស្ត្រនៅក្នុងការប្រកួតកីឡាអាស៊ី និងសម្រាប់ប្រទេសកម្ពុជា! សូមអបអរសាទរចំពោះជោគជ័យដ៏អស្ចារ្យនេះរបស់នាង"៕