កម្ពុជា ស្ថិត​ក្នុង​ចំណោម​ប្រទេស៦​ដែល​បំបែក​កំណត់ត្រា​ឈ្នះ​មេដាយ​មាស​នៅ Asian Games

  • 2018-09-03 08:36:31
  • ចំនួនមតិ 0 | ចំនួនចែករំលែក 0

ចន្លោះមិនឃើញ


កម្ពុជា បាន​បំបែក​កំណត់ត្រា​របស់​ខ្លួន​ ក្នុង​ការ​ឈ្នះ​មេដាយ​មាសច្រើន​បំផុត​ នៅ​ព្រឹត្តិការណ៍​កីឡា​អាស៊ី ​ឬ Asian Games បន្ទាប់ពី​ឈ្នះ​មេដាយ​មាស ចំនួន ២​គ្រឿង នៅ Asian Games ​2018 ដែល​ត្រូវបាន​ប្រារព្ធ​ឡើង​នៅ​ប្រទេស​ឥណ្ឌូណេស៊ី។ កម្ពុជា ឈ្នះ​មេដាយ​មាស តែ​១គ្រឿង​ប៉ុណ្ណោះ​កាល​ពី Asian Games 2014 ។

កីឡាការិនីកម្ពុជា ខាន់​ ចេសា អបអរក្រោយយកឈ្នះកីឡាការិនីអារ៉ាប់រួម Mahra Alhinaai នៅវគ្គផ្តាច់ព្រ័ត្រ ក្នុង​ប្រភេទ​កីឡាជូជិតស៊ូ (Ju-Jitsu) វិញ្ញាសា​វាយ​ទោលនារី ទម្ងន់​ក្រោម ៤៩​គីឡូក្រាម
​ក្រៅពី​កម្ពុជា ក៏​មាន​ប្រទេស ៥​ផ្សេង​ទៀត ដែល​បាន​បំបែក​កំណត់ត្រា​របស់​ខ្លួន​ឯង ដោយ​ឈ្នះ​មេដាយ​មាស​ច្រើនបំផុត នៅ Asian Games 2018។ ​ក្នុង​នោះ រួមមាន៖
  • ក្រុម​អត្តពលិក​កូរ៉េ (កូរ៉េខាងជើង និង ​កូរ៉េខាងត្បូង លេង​រួម​គ្នា) បាន​ឈ្នះ​មេដាយ​មាស ១គ្រឿង​ក្នុង​ប្រវត្តិសាស្ត្រ Asian Games របស់​ខ្លួន​។

  • ក្រុម​បារ៉ែន ឈ្នះ​មេដាយ​មាស​១២គ្រឿង ដោយ​បំបែក​កំណត់ត្រា​ចាស់ ដែល​ខ្លួន​ធ្លាប់​ឈ្នះ​មេដាយ​មាស ៩​គ្រឿង កាលពី​ឆ្នាំ​២០១៤។

  • ក្រុម​ម្ចាស់ផ្ទះ ឥណ្ឌូណេស៊ី ​ឈ្នះ​មេដាយ​មាស ៣១​គ្រឿង ដោយ​បំបែក​កំណត់ត្រា​ចាស់ ដែល​ឈ្នះ ១១​គ្រឿង កាលពី​ឆ្នាំ​១៩៦២។

  • ក្រុម​កៀហ្ស៊ីស៊ីស្ថាន ឈ្នះ​មេដាយ​មាស​ ២គ្រឿង ដោយ​បំបែក​កំណត់ត្រា​ចាស់ ដែល​ឈ្នះ ១គ្រឿង​កាលពី​ឆ្នាំ២០០២ និង ១​គ្រឿង​ក្នុង​ឆ្នាំ​២០១០​។

  • អ៊ូបេគីស្ថាន ឈ្នះ​មេដាយ​មាស ២១គ្រឿង ដោយ​បំបែក​កំណត់ត្រា​ចាស់ ដែល​ឈ្នះ ១៥​គ្រឿង កាលពី​ឆ្នាំ​២០០២៕

សូមជម្រាបថា កម្ពុជា​ឈ្នះមេដាយ​មាស ២គ្រឿង នៅ Asian Games 2018 ។ ក្នុងនោះ កីឡា​ការិនី ខាន់ ចេសា ឈ្នះ​មេដាយ​មាស ១ គ្រឿង​ ក្នុងកីឡា​ជូជីតស៊ូ និង​កីឡាករ សាលី អ៊ូមើត ឈ្នះ​មេដាយ​មាស ១ គ្រឿង​ ក្នុង​ប្រភេទ​កីឡា​ម៉ូតូទឹក។

កាលពី Asian Games ឆ្នាំ​២០១៤ កម្ពុជា​ ឈ្នះមេដាយមាស១ គ្រឿង​ ដោយ​កីឡាការិនី ស៊ន សៀវម៉ី ក្នុង​ប្រភេទ​កីឡាតេក្វាន់ដូ៕

ក្រុមឥណ្ឌូណេស៊ី ឈ្នះមេដាយមាស លើវិញ្ញាសាវាយកូនបាល់ វាយគូបុរស នារី (រូបថត៖ Jakarta Globe)

អត្ថបទទាក់ទង Asian Games បាន​បញ្ចប់ តើ​ចំណាត់​ថ្នាក់​ប្រទេស​អាស៊ី​អាគ្នេយ៍​យ៉ាង​ណា​ដែរ ក្នុង​តារា​ងមេដាយ?

អត្ថបទ៖ លាភ.

អត្ថបទថ្មី
;