ដូណាល់ ត្រាំ លើកឡើងពីព្យុហយាត្រាយោធាក្នុងបុណ្យខួប ៧០ឆ្នាំរបស់កូរ៉េខាងជើង

2018-09-09 22:39:49
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក ដូណាល់ ត្រាំ ប្រធានាធិបតីអាមេរិក កាលពីថ្ងៃទី៩ ខែកញ្ញា ២០១៨ ម្សិលមិញ បានអរគុណលោក គីម ជុងអ៊ុន មេដឹកនាំកំពូលកូរ៉េខាងជើង ដែលធ្វើព្យុហយាត្រាយោធា ដោយគ្មានការបង្ហាញមីស៊ីលនុយក្លេអ៊ែរ ដើម្បីអបអរសាទរខួប ៧០ឆ្នាំនៃការបង្កើតប្រទេសកូរ៉េខាងជើង។

លោក ដូណាល់ ត្រាំ ប្រធានាធិបតីអាមេរិក/ រូបភាព៖ Reuters

លោក ត្រាំ បង្ហោះតាម Twitter ថា "នេះគឺជាការបង្ហាញដ៏ធំ និងយ៉ាងវិជ្ជមានមួយពីកូរ៉េខាងជើង។ អរគុណលោកប្រធាន គីម។ យើងទាំងពីរនឹងបញ្ជាក់ថា អ្នករាល់គ្នាខុស"។

លោក ត្រាំ បន្ដទៀតថា "គ្មានអ្វីល្អដូចកិច្ចសន្ទនារវាងមនុស្ស ២នាក់ដែលចូលចិត្តគ្នានោះទេ! ប្រសើរជាងមុនខ្ញុំចូលកាន់តំណែង [ប្រធានាធិបតី]”។

“មូលបទ គឺសន្ដិភាព និងការអភិវឌ្ឍសេដ្ឋកិច្ច"។ លោក ត្រាំ បន្ថែម។

សូមបញ្ជាក់ថា មេដឹកនាំទាំងពីរបានជួបពិភាក្សាគ្នានៅប្រទេសសិង្ហបុរី កាលពីខែមិថុនា ២០១៨ កន្លងទៅ ដោយបានសន្យាបិទបញ្ចប់ការតេស្ដសាកល្បងមីស៊ីល និងនុយក្លេអ៊ែររបស់កូរ៉េខាងជើង៕

ប្រភព៖ Channelnewsasia ប្រែសម្រួល៖ វាសនា