ប្រមុខដឹកនាំអាស៊ាន លើកពីជំនាញដ៏សំខាន់មួយ សម្រាប់ទ្រទ្រង់សេដ្ឋកិច្ច
- 2018-09-12 09:26:53
- ចំនួនមតិ 0 | ចំនួនចែករំលែក 0
ប្រមុខដឹកនាំអាស៊ាន លើកពីជំនាញដ៏សំខាន់មួយ សម្រាប់ទ្រទ្រង់សេដ្ឋកិច្ច
ចន្លោះមិនឃើញ
សម្ដេច ហ៊ុន សែន នាយករដ្ឋមន្ត្រីកម្ពុជា រួមទាំងប្រមុខដឹកនាំនៃប្រទេសវៀតណាម សិង្ហបុរី ឥណ្ឌូណេស៊ី ឡាវ និងភូមា បានចាត់ទុកការរួមសហការលើវិស័យឯកជនជាមួយរដ្ឋាភិបាល ជារឿងចាំបាច់ដើម្បីជំរុញពាណិជ្ជកម្ម និងកំណើនសេដ្ឋកិច្ច។ ជាពិសេស គេត្រូវយកចិត្តទុកដាក់ចំពោះការបណ្ដុះបណ្ដាលជំនាញបច្ចេកវិទ្យា ដែលជាមូលដ្ឋានដ៏សំខាន់សម្រាប់ទ្រទ្រង់ខឿនសេដ្ឋកិច្ចប្រកបដោយចីរភាព។
យោងតាមទំព័រហ្វេសប៊ុកផ្លូវការរបស់សម្ដេច ហ៊ុន សែន បានឲ្យដឹងថា សព្វថ្ងៃនេះ ពលរដ្ឋជាពិសេសយុវជនកំពុងប្រើប្រាស់ស្មាតហ្វូន និងបច្ចេកវិទ្យាថ្មីៗ រួមទាំងការធ្វើពាណិជ្ជកម្ម និងលក់ទំនិញអនឡាញតាមប្រព័ន្ធអេឡិចត្រូនិក ការប្រើប្រាស់បច្ចេកវិទ្យាគ្រប់គ្រងហិរញ្ញវត្ថុតាមធនាគារ និងទូទាត់តាមប្រព័ន្ធឆ្លាតវៃនានា ព្រមទាំងការប្រើប្រាស់បច្ចេកវិទ្យាដើម្បីទប់ស្កាត់អំពើភេរវកម្មផ្សេងៗ ដែលបានជួយបង្កើតការងារនិងមុខរបរបានយ៉ាងច្រើន។ ទន្ទឹមនឹងនេះ ជំនាញបច្ចេកវិទ្យា កំពុងជួយពន្លឿនដល់សមាហរណកម្មក្នុងតំបន់ ព្រមទាំងជំរុញឲ្យមានទំនាក់ទំនងរវាងពលរដ្ឋ និងពលរដ្ឋកាន់តែប្រសើរឡើងទៀតផង៕