ថៃកំណត់ថ្ងៃបោះឆ្នោតរើសនាយករដ្ឋមន្ត្រីថ្មីមិនឲ្យលើសពីខែឧសភា ឆ្នាំ២០១៩
- 2018-09-13 03:37:12
- ចំនួនមតិ 0 | ចំនួនចែករំលែក 0
ថៃកំណត់ថ្ងៃបោះឆ្នោតរើសនាយករដ្ឋមន្ត្រីថ្មីមិនឲ្យលើសពីខែឧសភា ឆ្នាំ២០១៩
ចន្លោះមិនឃើញ
រដ្ឋាភិបាលយោធាថៃរបស់លោក ប្រាយុទ្ធ ចាន់អូចា បានសម្រេចអនុម័តច្បាប់ថ្មីចំនួន ២ ពាក់ព័ន្ធនឹងការបោះឆ្នោតជ្រើសតាំងមេដឹកនាំថ្មី។
ច្បាប់ទី១ បានកំណត់ថ្ងៃបោះឆ្នោតជាតិមិនឲ្យហួសពីខែឧសភា ឆ្នាំ២០១៩ខាងមុខនោះឡើយ ដើម្បីរើសក្បាលម៉ាស៊ីនដឹកនាំប្រទេសសាជាថ្មី ក្រោយពីរដ្ឋប្រហារយោធាកាលពី៥ឆ្នាំមុន។ ឯច្បាប់មួយទៀតបានកំណត់ពីការចូលកាន់តំណែងផ្លូវការរបស់សមាជិករដ្ឋសភានៅអំឡុងពេល ៩០ថ្ងៃ ក្រោយពីការបោះឆ្នោត។
សូមជម្រាបថា សមាជិករដ្ឋសភាថ្មីរបស់ថៃ នឹងត្រូវជ្រើសរើសចំនួន ៥០០នាក់ ខណៈដែលព្រឹទ្ធសភាមានចំនួន ២៥០នាក់ ហើយក្នុងនោះមានកៅអីព្រឹទ្ធសភាមួយចំនួនតូចនឹងត្រូវបម្រុងទុកឲ្យយោធា៕