អាជ្ញាធរខេត្តស្ទឹងត្រែង រៀបចំសួនច្បារត្រីប៉ាស៊ីអ៊ី ដើម្បីទាក់ទាញភ្ញៀវទេសចរ

2018-09-14 04:56:03
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ស្របពេលត្រីប៉ាស៊ីអ៊ី ដែលជាត្រីកម្រមានតែនៅខេត្តស្ទឹងត្រែង កំពុងទទួលបានការចាប់អារម្មណ៍ខ្លាំង អាជ្ញាធរខេត្តបានរៀបចំសួនច្បាររូបសំណាកត្រីប៉ាស៊ីអ៊ី នៅក្បែរមាត់ទន្លេសេកុង ដើម្បីទាក់ទាញអ្នកទេសចរ។

រូបសំណាកត្រីប៉ាស៊ីអ៊ី ដែលស្ថិតនៅក្បែរមាត់ទន្លេសកុង ក្នុងក្រុងស្ទឹងត្រែង ខេត្តស្ទឹងត្រែង។ រូបថត៖ រស្មីកម្ពុជា

លោក ម៉ែន គុង អ្នកនាំពាក្យសាលាខេត្តស្ទឹងត្រែងបានប្រាប់ឱ្យដឹងនៅព្រឹកថ្ងៃទី១៤ខែកញ្ញាឆ្នាំ២០១៨ថា ទាក់ទងទៅនឹងការរៀបចំសួនច្បារក្នុងក្រុងស្ទឹងត្រែងនេះ គឺជាគម្រោងរបស់ខេត្ត។ ការរៀបចំនេះមានគោលបំណងឱ្យមានភាពទាក់ទាញ និងកែលម្អសោភ័ណភាពទីក្រុង និងការគ្រប់គ្រងសំរាមទុកដាក់ឱ្យបានល្អ។

លោក ម៉ែន គុង បានបញ្ជាក់ថា សួនច្បារត្រីប៉ាស៊ីអ៊ី ត្រូវបានកែប្រែដោយដាក់ជាប្រព័ន្ធបង្ហូរទឹកចូលក្នុងអាង លើកជើងទម្រឱ្យរូបស៊ីម៉ង់ត៍ត្រីឡើងខ្ពស់ បន្ថែមរចនាបថ និងរៀបចំដាក់ប្រព័ន្ធភ្លើងបំភ្លឺ ឱ្យកាន់តែមានភាពទាក់ទាញ និងចាប់អារម្មណ៍ផងដែរ៕