ថៃកំពុងពិចារណាទិញយន្តហោះ ២៣គ្រឿង តម្លៃជាង ៣ពាន់លានដុល្លារ

2018-09-14 07:12:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

Thai Airways ក្រុមហ៊ុនអាកាសចរណ៍ដ៏ធំរបស់ថៃ មានគម្រោងទិញយន្តហោះថ្មីបន្ថែមចំនួន ២៣គ្រឿង ដែលមានតម្លៃសរុប ១០០ពាន់លានបាត ឬស្មើនឹងជាង ៣ពាន់លានដុល្លារ។

លោក Sumeth Damrongchaitham នាយកប្រតិបត្តិ Thai Airways បានឲ្យដឹងថា ដោយមានការស្នើសុំពីក្រុមប្រឹក្សាជាតិអភិវឌ្ឍន៍សេដ្ឋកិច្ច និងសង្គម បច្ចុប្បន្នក្រុមហ៊ុនលោកកំពុងពិចារណាទៅលើគម្រោងទិញយន្តហោះថ្មីបន្ថែមនេះហើយ ដោយនឹងប្រើពេលប្រមាណជា ១ខែ។ បន្ទាប់ពីការពិចារណា ក្រុមហ៊ុន Thai Airways នឹងធ្វើការស្នើសុំទៅកាន់រដ្ឋមន្ត្រីសាធារណការ និងក្រុមប្រឹក្សាជាតិអភិវឌ្ឍន៍សេដ្ឋកិច្ច និងសង្គម ដើម្បីត្រួតពិនិត្យបន្ត។

យន្តហោះរបស់ក្រុមហ៊ុន Thai Airways (រូបភាព៖ Nikkei Asian Review)

សូមបញ្ជាក់ថា កាលពីពេលថ្មីៗកន្លងទៅ គម្រោងទិញយន្តហោះនេះ បានទទួលការគាំទ្រពីរដ្ឋមន្ត្រីហិរញ្ញវត្ថុលោក Apisak Tantivorawong និងឧបនាយករដ្ឋមន្ត្រីលោក Somkid Jatusripitak។ លោក Apisak បាននិយាយកាលពីថ្ងៃទី១២កញ្ញាថា ការទិញនេះ នឹងធ្វើឲ្យវិស័យអាកាសចរណ៍ថៃមានការរីកចម្រើន និងអាចប្រកួតប្រជែងជាមួយនឹងអាកាសចរណ៍បរទេសបាន។ ចំណែកលោកឧបនាយករដ្ឋមន្ត្រីថៃ ក៏បានទៅត្រួតពិនិត្យផ្ទាល់នៅក្រុមហ៊ុន Thai Airways ផងដែរអំពីគម្រោងទិញនេះ៕

ប្រភព៖ The Nation ប្រែសម្រួល៖ ឈាង.