ប្រធានាធិបតីកូរ៉េខាងត្បូង នាំប្រតិភូប្រមាណ ២០០នាក់ ទៅជួប គីម ជុងអ៊ុន នៅក្រុងព្យុងយ៉ាង

2018-09-16 23:04:46
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ការិយាល័យប្រធានាធិបតីកូរ៉េខាងត្បូង កាលពីថ្ងៃទី១៦ ខែកញ្ញា ២០១៨ ម្សិលមិញ បានបញ្ជាក់ថា លោក មូន ចេអ៊ីន ប្រធានាធិបតីកូរ៉េខាងត្បុង នឹងដឹកនាំប្រតិភូប្រមាណ ២០០នាក់ ដែលមានទាំងមន្រ្តីជាន់ខ្ពស់រដ្ឋាភិបាល និងអ្នកជំនួញជាច្រើន ធ្វើដំណើរទៅកូរ៉េខាងជើង នៅថ្ងៃទី១៨ ខែកញ្ញា ២០១៨ ស្អែកនេះ។

លោក មូន ចេអ៊ីន ប្រធានាធិបតីកូរ៉េខាងត្បូង ចាប់ដៃជាមួយលោក គីម ជុងអ៊ុន មេដឹកនាំកំពូលកូរ៉េខាងជើង អំឡុងជំនួបកំពូលនៅតំបន់ព្រំដែនប្រទេសទាំងពីរ នាពលេកន្លងមក/ រូបភាព៖ CGTN

ការធ្វើដំណើរទៅកូរ៉េខាងជើងនេះ គឺដើម្បីចូលរួមជំនួបកំពូលលើកទី៣ រវាងលោក មូន ចេអ៊ីន ប្រធានាធិបតីកូរ៉េខាងត្បូង និងលោក គីម ជុងអ៊ុន មេដឹកនាំកំពូលកូរ៉េខាងជើង ដែលនឹងធ្វើឡើងនៅក្រុងព្យុងយ៉ាង ចាប់ពីថ្ងៃទី១៨ ដល់ទី២០ ខែកញ្ញា ២០១៨នេះ។

ក្នុងនោះ មន្រ្តីជាន់ខ្ពស់រដ្ឋាភិបាលកូរ៉េខាងត្បូង ដែលអមដំណើរលោក មូន ចេអ៊ីន មានដូចជាប្រធានចារកម្ម រដ្ឋមន្រ្តីការប្រទេស និងរដ្ឋមន្រ្តីការពារជាតិ។

ចំណែកអ្នកជំនួញវិញ មានដូចជាអគ្គនាយករងក្រុមហ៊ុន Samsung ប្រធានក្រុមហ៊ុន SK និង LG Groups អគ្គនាយករងក្រុមហ៊ុន Hyundia Motor Group និងថ្នាក់ដឹកនាំក្រុមហ៊ុនកូរ៉េខាងត្បូងមួយចំនួនទៀត៕

ប្រភព៖ CGTN ប្រែសម្រួល៖ វាសនា