អាមេរិកដាក់ទណ្ឌកម្មក្រុមហ៊ុនថៃ ដែលពាក់ព័ន្ធនឹងអ៊ីរ៉ង់

2018-09-17 02:44:28
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

សហរដ្ឋអាមេរិក កាលពីថ្ងៃទី១៤ ខែកញ្ញា ឆ្នាំ២០១៨ បានដាក់ទណ្ឌទៅលើក្រុមហ៊ុនអាកាសចរណ៍ថៃមួយ ដោយចោទប្រកាន់ថា ក្រុមហ៊ុននោះបានដឹកជញ្ជូនកងទ័ព និងសម្ភារៈរបស់ប្រទេសអ៊ីរ៉ង់ ទៅផ្គត់ផ្គង់ឲ្យរដ្ឋាភិបាលលោក Bashar al-Assad នៅស៊ីរី។

រតនាគារសហរដ្ឋអាមេរិក បានឲ្យដឹងថា ក្រុមហ៊ុនថៃ ដែលរងទណ្ឌកម្ម មានឈ្មោះ My Aviation ស្ថិតនៅទីក្រុងបាងកក។ បន្ថែមពីនេះ ប្រភពដដែល បញ្ជាក់ទៀតថា ក្រុមហ៊ុនអាកាសចរណ៍អ៊ីរ៉ង់ឈ្មោះ Mahan Travel and Tourism ដែលស្ថិតនៅប្រទេសម៉ាឡេស៊ី ក៏ត្រូវបានអាមេរិកសម្រេចដាក់ទណ្ឌកម្មផងដែរ។

លោក Steven Mnuchin រដ្ឋមន្ត្រីក្រសួងរតនាគារអាមេរិក (រូបភាព៖ Reuters)

លោក Steven Mnuchin រដ្ឋមន្ត្រីក្រសួងរតនាគារអាមេរិក បាននិយាយថា "Mahan Air បន្តហោះហើរចូលទៅក្នុងប្រទេសស៊ីរីជារៀងរាល់សប្ដាហ៍ បើទោះជាប្រជាពលរដ្ឋរាប់លាននាក់នៅក្នុងខេត្ត Idlib កំពុងរងការគំរាមកំហែងពីរបបឃោរឃៅលោក Assad ព្រមទាំងក្រុមគាំទ្រនៅក្នុងអ៊ីរ៉ង់ និងរុស្ស៊ីយ៉ាងណាក៏ដោយ"៕

ប្រភព៖ Reuters ប្រែសម្រួល៖ ឈាង.