Ronaldo និង Zlatan បង្កើតកំណត់ត្រាសម្រាប់ខ្លួនឯង

2018-09-17 04:31:02
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

កាលពីចុងសប្ដាហ៍កន្លងទៅ Cristiano Ronaldo និង Zlatan Ibrahimovic បានបោះជំហានថ្មីមួយទៀត នៅក្នុងអាជីព។ កីឡាករទាំង២នាក់ បង្កើតកំណត់ត្រាដូចខាងក្រោម៖

Zlatan អបអរការស៊ុតបញ្ចូលទី (រូបថត៖ USA TODAY Sports)

Ronaldo រកបាន២គ្រាប់ក្នុងការប្រកួត ដែល Juventus យកឈ្នះ Sassuolo ដោយលទ្ធផល ២-១ នៅក្របខណ្ឌ Serie A ។ គ្រាប់ទាំងនេះ បូកនឹងគ្រាប់បាល់ចាស់ ធ្វើឲ្យ Ronaldo រកបាន ៤០០គ្រាប់ក្នុងកម្រិតលីគ ក្នុងនោះនៅក្លឹប Sporting CP (៣គ្រាប់), Manchester United (៨៤គ្រាប់), Real Madrid (៣១១គ្រាប់) និង Juventus (២គ្រាប់)។

Zlatan Ibrahimovic បានរកគ្រាប់ទី៥០០ក្នុងអាជីពរបស់ខ្លួន ក្នុងការប្រកួតដែលក្លឹប LA Galaxy ចាញ់ Toronto FC ដោយលទ្ធផល ៥-៣ នៅក្របខណ្ឌ MSL ក្នុងទឹកដីអាមេរិក កាលពីចុងសប្ដាហ៍កន្លងទៅ។

រឿងចៃដន្យ

Ronaldo អបអរក្រោយរកគ្រាប់បាល់សម្រាប់ Juventus កាលពីយប់មិញ (រូបថត៖ punchng.com)

Ronaldo បានប្រើប្រាស់ពេលវេលា ៣១៩នាទី ក្នុង ៤ប្រកួត និងជាការព្យាយាមចំនួន ២៨លើក ទម្រាំអាចរកគ្រាប់ដំបូងរបស់ខ្លួននៅក្របខណ្ឌ Serie A។ នេះជារឿងចៃដន្យមួយ ពីព្រោះពេលលេងនៅ Real Madrid ក្នុងក្របខណ្ឌ La Liga កីឡាកររូបនេះ អាចរកគ្រាប់បាល់ដំបូងនៃរដូវកាល២០១៧-១៨ នៅក្នុងការប្រកួតទី៤ និងការព្យាយាមចំនួន ២៨លើក ផងដែរ៕

ប្រភព៖ Forbes ប្រែសម្រួល៖ លាភ.