ក្រសួងវប្បធម៌ ចាត់វិធានការលើតារាសិចស៊ី សេង សូណា
- 2018-09-18 08:29:54
- ចំនួនមតិ 0 | ចំនួនចែករំលែក 0
ក្រសួងវប្បធម៌ ចាត់វិធានការលើតារាសិចស៊ី សេង សូណា
ចន្លោះមិនឃើញ
ក្រសួងវប្បធម៌ និងវិចិត្រសិល្បៈបានចេញសេចក្ដីជូនដំណឹង ឲ្យផ្អាកគ្រប់សកម្មភាពសិល្បៈទាំងអស់របស់តារាសម្តែង សេង សូណា រយៈពេល១ឆ្នាំ លើករណីតារាស្រីរូបនេះស្លៀកពាក់សិចស៊ី និងឥរិយាបថ ធ្វើឲ្យប៉ះពាល់ដល់វប្បធម៌ប្រពៃណីខ្មែរ តាមរយៈការថតខ្សែភាពយន្ត និងបណ្តាញព័ត៌មាន។
យោងតាមសេចក្ដីជូនដំណឹងដែលក្រសួងផ្ញើទៅសមាគមទូរទស្សន៍កម្ពុជា កាលពីថ្ងៃទី១៧ ខែកញ្ញា ឆ្នាំ២០១៨ បញ្ជាក់ថា ផ្អែកតាមស្មារតីនៃកិច្ចប្រជុំក្រុមប្រឹក្សាពិន័យ ក្រមសីលធម៌នៃអ្នកសិល្បៈ កាលពីថ្ងៃទី ១៦ ខែសីហា ឆ្នាំ ២០១៨ បានសម្រេចដាក់ពិន័យ ផ្អាកតារាសម្ដែង សេង សូណា មិនឲ្យធ្វើសកម្មភាពពាក់ព័ន្ធវិស័យសិល្បៈ គ្រប់រូបភាព រួមមាន ការសម្ដែង ថតខ្សែភាពយន្ត ខារ៉ាអូខេ ស្ប៉ត ច្រៀងបង្ហាញមុខតាមកញ្ចក់ទូរទស្សន៍ រយៈពេល១ឆ្នាំ ដោយគិតចាប់ពីថ្ងៃទី ១៧ ខែសីហា ឆ្នាំ ២០១៨ ដល់ថ្ងៃទី ១៧ ខែសីហា ឆ្នាំ ២០១៩៕