គ.ជ.ប គ្រោងចុះឈ្មោះអ្នកបោះឆ្នោតថ្មីចំនួនជិត ៥០ម៉ឺននាក់ទៀត

2018-09-19 04:00:13
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

គណៈកម្មាធិការជាតិរៀបចំការបោះឆ្នោត (គ.ជ.ប) គ្រោងនឹងចុះឈ្មោះអ្នកបោះឆ្នោតថ្មីចំនួន ៤៨,៩៩ម៉ឺននាក់បន្ថែមទៀត នៅក្នុងឆ្នាំ២០១៨នេះ។ នេះបើយោងតាមសេចក្តីប្រកាសព័ត៌មានរបស់ គ.ជ.ប កាលពីថ្ងៃទី១៨ ខែកញ្ញា ឆ្នាំ២០១៨។

សេចក្តីប្រកាសនេះ បានបង្ហាញពីស្ថិតិប្រជាពលរដ្ឋប៉ាន់ស្មាន សម្រាប់ការពិនិត្យបញ្ជីឈ្មោះ និងការចុះឈ្មោះបោះឆ្នោត ឆ្នាំ២០១៨ ដូចខាងក្រោម៖

ប្រជាពលរដ្ឋសរុប មានចំនួនជាង ១៥,៩៧លាននាក់
ប្រជាពលរដ្ឋមានអាយុ ១៨ឆ្នាំឡើងទៅ ចំនួនជាង ៩,៩លាននាក់
អ្នកដែលបានចុះឈ្មោះបោះឆ្នោតក្នុងឆ្នាំ២០១៧ រួចហើយ មានចំនួនជាង ៨,៣៨លាននាក់។

ប្រជាពលរដ្ឋស្វែងរកមើលឈ្មោះ មុនពេលចូលបោះឆ្នោតជ្រើសតាំងតំណាងរាស្រ្តឆ្នាំ២០១៨

គ.ជ.ប បញ្ជាក់ថា រយៈពេលនៃការពិនិត្យបញ្ជីឈ្មោះ និងការចុះឈ្មោះបោះឆ្នោតប្រចាំឆ្នាំ ដែលធ្វើឡើងនៅតាមសាលាឃុំ-សង្កាត់ និងនៅតាមទីតាំងមួយចំនួនក្នុងឃុំ-សង្កាត់ មានរយៈពេលតែ ១៨ថ្ងៃទេ គឺពីថ្ងៃទី១ ដល់ ១៨តុលា ឆ្នាំ២០១៨ ព្រោះថាឆ្នាំនេះ ជាឆ្នាំគ្មានការបោះឆ្នោតទេ៕

អត្ថបទ៖ សំភី