ថ្លៃភាគហ៊ុនកំពង់ផែស្វយ័តក្រុងព្រះសីហនុ កើនឡើងដល់ចំណុចខ្ពស់បំផុត

2018-09-19 04:50:30
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

យោងតាមទិន្នន័យរបស់ក្រុមហ៊ុនផ្សារមូលបត្រកម្ពុជា (ផ.ម.ក) កាលពីថ្ងៃទី ១៨ ខែកញ្ញា បង្ហាញថា ភាគហ៊ុនកំពង់ផែស្វយ័តក្រុងព្រះសីហនុ (PAS) បានកើនឡើងថ្លៃខ្ពស់បំផុត ប្រចាំថ្ងៃ (upper price limit) គឺ ៦៦៨០រៀល ក្នុងមួយភាគហ៊ុន។ នេះជាចំណុចខ្ពស់បំផុត គិតចាប់ពីពេលដែលក្រុមហ៊ុននេះ បានចុះបញ្ជីជួញដូរនៅ ផ.ម.ក. កាលពីខែមិថុនា ឆ្នាំ២០១៧មក។

កំពង់ផែស្វយ័តក្រុងព្រះសីហនុ

ជាមួយគ្នានេះ ភាគហ៊ុនកំពង់ផែស្វយ័តភ្នំពេញ (PPAP) និងភាគហ៊ុនហ្គ្រេន ធ្វីន អ៊ីនធើណេសិនណល (ខេមបូឌា) ភីអិលស៊ី (GTI) ក៏កើនឡើងថ្លៃដែរពោលគឺបិទនៅថ្លៃ ៦៤០០រៀល និង ៣១០០រៀលក្នុងមួយភាគហ៊ុន រៀងគ្នា។

ចំពោះភាគហ៊ុន២ទៀត គឺ ភាគហ៊ុនរដ្ឋាករទឹកស្វយ័តក្រុងភ្នំពេញ (PWSA) និងភាគហ៊ុនតំបន់សេដ្ឋកិច្ចពិសេសភ្នំពេញ (PPSP) ជួញដូរចុងក្រោយ នៅថ្លៃដដែល គឺ ៣២៥០រៀល និង ២៨០០រៀលក្នុងមួយភាគហ៊ុន រៀងគ្នា។ ចំណែកឯសន្ទស្សន៍ ផ.ម.ក. កើនឡើងប្រមាណជា ៤,៨០% ដល់ ៣៥៦,៧០ ពិន្ទុ ឯណោះ៕

ប្រភព៖ ដើមអម្ពិល ប្រែសម្រួល៖ សំភី