ឆ្នាំនេះ ពាន Toyota Mekong Cup មិនត្រូវបានរៀបចំប្រកួតឡើយ

2018-09-19 07:50:20
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ការប្រកួតពានរង្វាន់បាល់ទាត់មហាអនុតំបន់ទន្លេមេគង្គ Toyota Mekong Club Championship (TMCC) មិនត្រូវបានរៀបចំឡើយ សម្រាប់ឆ្នាំ២០១៨នេះ។

លោកស្រី ប៊ុន ចាន់តារារ័ត្ន ប្រធានទីផ្សាររបស់ Toyota ប្រចាំកម្ពុជាបានឲ្យដឹងថា ក្រុមហ៊ុនបានសម្រេចមិនរៀបចំការប្រកួតពានរង្វាន់TMCC ឆ្នាំ២០១៨នេះទេ ដោយសារមើលឃើញថា កាលវិភាគប្រកួតរបស់លីគក្នុងស្រុក និងតំបន់មានការមមាញឹកខ្លាំង។

ទោះជាយ៉ាងណា តំណាងក្រុមហ៊ុនរូបនេះបញ្ជាក់ថា ៖«យើងនៅតែបន្តកិច្ចការអភិវឌ្ឍកុមារ និងរៀបចំ CSR football clinics ដើម្បីផ្តល់ឱកាសដល់យុវជនអភិវឌ្ឍជំនាញរបស់ពួកគេ។ យើងកំពុងវាយតម្លៃអំពីការខិតខំប្រឹងប្រែងរបស់យើងក្នុងតំបន់ ហើយយើងកំពុងសិក្សាអំពីលទ្ធភាពនៃការពង្រីក CSR football clinics បន្ថែមទៀត»។

ក្រុមបឹងកេត ប្រកួតជាមួយក្រុមវៀតណាម Sanna Khanh Hao ក្នុងពាន TMCC នៅពហុកីឡដ្ឋានជាតិ កាលពីខែធ្នូ ឆ្នាំ២០១៧

សូមរំលឹកថា ពានរង្វាន់ TMCC ត្រូវបានរៀបចំឡើង៤រដូវកាលហើយគិតតាំងពីឆ្នាំ២០១៤មក ប៉ុន្តែរដូវកាល២០១៨នេះត្រូវបានផ្អាកវិញ។ រយៈពេល៤រដូវកាលក្រុមខ្លាំងរបស់ថៃ Burriram United ឈ្នះបាន៣ដងគឺឆ្នាំ២០១៥ ២០១៦ និង២០១៧ ខណៈឆ្នាំដំបូង២០១៤ បានទៅក្រុមវៀតណាម Becamex Binh Duong៕

ប្រភព៖ Sabay News អត្ថបទ៖ ជាន ចាន់រ៉ា