អាណត្តិថ្មីនេះ សម្ដេចហ៊ុន សែន មានទីប្រឹក្សាផ្ទាល់ និងជំនួយការ ១០១នាក់
- 2018-09-19 08:39:22
- ចំនួនមតិ 0 | ចំនួនចែករំលែក 0
អាណត្តិថ្មីនេះ សម្ដេចហ៊ុន សែន មានទីប្រឹក្សាផ្ទាល់ និងជំនួយការ ១០១នាក់
ចន្លោះមិនឃើញ
ព្រះករុណាព្រះបាទសម្ដេចព្រះបរមនាធ នរោត្ដម សីហមុនី ព្រះមហាក្សត្រនៃព្រះរាជាណាចក្រកម្ពុជា បានត្រាស់បង្គាប់តែងតាំងទីប្រឹក្សាផ្ទាល់ និងជំនួយការសម្ដេចនាយករដ្ឋមន្រ្ដី ហ៊ុន សែន ចំនួន ៩៩រូប ដែលក្នុងនោះមានទីប្រឹក្សាផ្ទាល់ ៤៦រូប និងជំនួយការ ៥៥រូប។ នេះបើយោងតាមព្រះរាជក្រឹត្យ ចុះហត្ថលេខាដោយសម្ដេច សាយ ឈុំ ប្រមុខរដ្ឋស្ដីទី កាលពីថ្ងៃទី១៨ ខែកញ្ញា ឆ្នាំ២០១៨។
សូមបញ្ជាក់ថា ទីប្រឹក្សាផ្ទាល់ទាំង ៤៦ រូប មាន ៣រូប ឋានៈស្មើទេសរដ្ឋមន្រ្ដី, ២៤រូប ឋានៈស្មើរដ្ឋមន្រ្ដី និង ១៩រូបទៀត មានឋានៈស្មើរដ្ឋលេខាធិការ។ ក្នុងចំណោមនោះ មានទីប្រឹក្សាផ្ទាល់ចំនួន ១០រូប មិនទទួលប្រាក់បៀវត្សនោះទេ។
ចំណែកជំនួយការ ទាំង ៥៥រូប មាន ២២រូប ឋានៈស្មើរដ្ឋលេខាធិការ, ១៧រូប មានឋានៈស្មើអនុរដ្ឋលេខាធិការ និង ១៦រូបទៀត មានឋានៈស្មើអគ្គនាយក។ ក្នុងចំណោមនោះ មានជំនួយការ ១រូប មិនទទួលប្រាក់បៀវត្សនោះទេ។