ក្រសួងដែនដី ណែនាំឱ្យរៀបចំកន្លែងសម្រាកទទួលទានអាហារថ្ងៃត្រង់ ក្នុងរោងចក្រ
- 2018-09-19 09:50:24
- ចំនួនមតិ 0 | ចំនួនចែករំលែក 0
ក្រសួងដែនដី ណែនាំឱ្យរៀបចំកន្លែងសម្រាកទទួលទានអាហារថ្ងៃត្រង់ ក្នុងរោងចក្រ
ចន្លោះមិនឃើញ
ក្រសួងរៀបចំដែនដី នគរូបនីយកម្ម និងសំណង់ បានណែនាំឱ្យមានការរៀបចំកន្លែងសម្រាកពិសាអាហារថ្ងៃត្រង់នៅក្នុងរោងចក្រ សហគ្រាស និងគ្រឹះស្ថាននានា ដើម្បីសម្រួលដល់ការបំពេញការងាររបស់កម្មករនិយោជិត។ នេះបើតាមលិខិតរបស់លោកឧបនាយករដ្ឋមន្រ្តី ជា សុផារ៉ា រដ្ឋមន្រ្តីក្រសួងរៀបចំដែនដី ផ្ញើទៅកាន់ប្រធានមន្ទីររៀបចំដែនដី នគរូបនីយកម្ម សំណង់ និងសុរិយោដីរាជធានី-ខេត្ត នៅថ្ងៃទី១៩ កញ្ញា ២០១៨នេះ។
ក្នុងលិខិតនេះ លោក ជា សុផារ៉ា បានណែនាំឱ្យប្រធានមន្ទីរចាត់វិធានការដូចខាងក្រោម៖
១. ចំពោះរោងចក្រ សហគ្រាស និងគ្រឹះស្ថាននានា ដែលកំពុងដំណើរការ ត្រូវរៀបចំឱ្យមានកន្លែងសមស្របសម្រាប់កម្មករនិយោជិត សម្រាកពិសាអាហារថ្ងៃត្រង់។
២. ចំពោះការស្នើសុំសាងសង់ថ្មី ដូចជាអគាររោងចក្រ សហគ្រាស គ្រឹះស្ថាន ឬអគារសេវាកម្មដែលមានមនុស្សច្រើនបម្រើការងារ ត្រូវគូសបញ្ជាក់អំពីកន្លែងសម្រាប់សម្រាកពិសាអាហារថ្ងៃត្រង់ នៅក្នុងគំនូសប្លង់ស្ថាបត្យកម្ម ស្នើសុំលិខិតអនុញ្ញាតសាងសង់ ឱ្យបានសមស្របតាមបទដ្ឋានបច្ចេកទេស និងបទដ្ឋានគតិយុត្តិនានាជាធរមាន។