ព្រឹត្តិការណ៍ពាណិជ្ជកម្ម១នៅកម្ពុជា គ្រោងទាក់ទាញវិនិយោគិនអាមេរិក
- 2018-09-19 12:33:52
- ចំនួនមតិ 0 | ចំនួនចែករំលែក 0
ព្រឹត្តិការណ៍ពាណិជ្ជកម្ម១នៅកម្ពុជា គ្រោងទាក់ទាញវិនិយោគិនអាមេរិក
ចន្លោះមិនឃើញ
សភាពាណិជ្ជកម្មសហរដ្ឋអាមេរិក កម្ពុជា ដោយមានការសម្របសម្រួលពីស្ថានទូតអាមេរិកនៅរាជធានីភ្នំពេញ នឹងរៀបចំព្រឹត្តិការណ៍ពាណិជ្ជកម្មមួយ ដោយផ្តោតលើវិស័យកសិកម្ម ក្រោមប្រធានបទ “ឱកាសធុរកិច្ចនៅក្នុងវិស័យកសិកម្មនៅកម្ពុជា”។ ព្រឹត្តិការណ៍នេះ នឹងត្រូវធ្វើឡើងនៅសណ្ឋាគារ Rosewood ភ្នំពេញ ពីថ្ងៃទី ២៦ ដល់ ២៧ ខែកញ្ញា ឆ្នាំ២០១៨។
ប្រតិភូចំនួន ១៦ តំណាងឲ្យក្រុមហ៊ុន ឈានមុខគេមួយចំនួនរបស់សហរដ្ឋអាមេរិក មានដូចជាក្រុមហ៊ុន 3M, Absolute Packaging and Automation, Cargill, Humate USA, Hydro-Thermal Corporation, Intervet, John Deere, ព្រមទាំងក្រុមហ៊ុន Syngenta នឹងចូលរួមព្រឹត្តិការណ៍នេះ។ ជាងនេះទៅទៀត ក្រុមហ៊ុននៅអាស៊ីអាគ្នេយ៍ ដែលចែកចាយមុខទំនិញសំខាន់ៗរបស់អាមេរិក នឹងបញ្ជូនតំណាងរបស់ខ្លួនមកចូលរួមផងដែរ។
នៅក្នុងរយៈពេល ២ថ្ងៃនេះ សមាជិកប្រតិភូ នឹងរៀនសូត្រអំពីវិស័យផ្សេងៗទាក់ទងនឹងកសិកម្មកម្ពុជា ដូចជាស្រូវអង្ករ ចំណីសត្វ និងបសុសត្វ និងវារីវប្បកម្ម ភ្ជាប់ជាបណ្តាញ ក្រុមអ្នកជំនួញក្នុងស្រុក និងទស្សនាទីតាំងផលិតកម្មក្នុងមូលដ្ឋាន។ លើសពីនេះទៀត ពួកគេនឹងជួបជាមួយមន្រ្តីជាន់ខ្ពស់មកពីក្រសួងពាណិជ្ជកម្ម និងក្រសួងកសិកម្ម រុក្ខាប្រមាញ់ និងនេសាទ៕