វៀតណាម គ្រោងបិទសាកលវិទ្យាល័យជាច្រើនដែលគ្មានគុណភាព

2018-09-20 00:33:01
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រសួងអប់រំ និងបណ្ដុះបណ្ដាល នៃប្រទេសវៀតណាម បានប្រកាសថា សាកលវិទ្យាល័យដែលមានគុណភាពខ្សោយ និងមិនអាចទាក់ទាញសិស្សឲ្យចូលរៀនបាន នឹងត្រូវដាក់បញ្ចូលជាមួយសាលាផ្សេងទៀត ឬ នឹងត្រូវរំលាយចោលប្រសិនបើសាលាទាំងនោះ មិនអាចពង្រឹងគុណភាពរបស់ខ្លួនបានក្នុងរយៈពេល២ ទៅ ៥ឆ្នាំ។ នេះបើតាមការចុះផ្សាយរបស់វេបសាយ Vietnam Net កាលពីថ្ងៃទី១៩ ខែកញ្ញា ឆ្នាំ២០១៨។

និស្សិតផ្នែកអគ្គិសនី កំពុងទទួលការណែនាំ នៅសាកលវិទ្យាល័យមួយនៅវៀតណាម (រូបថត៖ english.vietnamnet.vn)

Vietnam Net បានឲ្យដឹងថា ដើម្បីពង្រឹងគុណភាពសាកលវិទ្យាល័យ ក្រសួងហិរញ្ញវត្ថុវៀតណាម បានស្នើឲ្យមានការដាក់បញ្ចូលគ្នា ឬរំលាយចោល នូវគ្រឹះស្ថានសិក្សាទាំងឡាយដែលមានគុណភាពខ្សោយ។ ក្រសួងដដែលបន្តថា ចំណាត់ការនេះគឺដើម្បីកាត់បន្ថយការចំណាយរបស់រដ្ឋ។

បច្ចុប្បន្ន វៀតណាម បានបង្កើតសាកលវិទ្យាល័យរហូតជាង ៣០០ សាកលវិទ្យាល័យ ដើម្បីឲ្យមនុស្ស២០០នាក់ក្នុងចំណោម ១ម៉ឺននាក់ ទទួលបានការចូលរៀននៅសាកលវិទ្យាល័យ។ យ៉ាងណាមិញ ការបង្កើតសាលាច្រើនដូច្នេះ បានបង្កជាបញ្ហា ដូចជា កង្វះគ្រូដែលមានសមត្ថភាពពិតប្រាកដ និង គុណភាពសិស្សបញ្ចប់ការសិក្សាដើម្បីឆ្លើយតបនឹងទីផ្សារការងារ។

សិស្សវៀតណាមប្រហែលជាង ៨៦ម៉ឺននាក់បានបញ្ចប់ការសិក្សាថ្នាក់ចំណេះដឹងទូទៅក្នុង១ឆ្នាំ ដោយគិតពីឆ្នាំ២០១៥ ដល់ ២០១៧។ ក្នុងនោះ សិស្ស ៦០ម៉ឺននាក់ចង់បន្តការសិក្សានៅសាកលវិទ្យាល័យ៕

អត្ថបទ៖ លាភ.