Juventus យកឈ្នះ Valencia តែ Ronaldo បានកាតក្រហមតាំងពីតង់ទី១
- 2018-09-19 23:00:44
- ចំនួនមតិ 0 | ចំនួនចែករំលែក 0
Juventus យកឈ្នះ Valencia តែ Ronaldo បានកាតក្រហមតាំងពីតង់ទី១
ចន្លោះមិនឃើញ
ក្លឹប Juventus បានយកឈ្នះក្លឹបម្ចាស់ផ្ទះ Valencia ដោយលទ្ធផល ២-១ ក្នុងការប្រកួតបើកឆាកពូល H វគ្គសន្សំពិន្ទុ ពានរង្វាន់ UEFA Champions League រដូវកាល ២០១៨-១៩ កាលពីយប់មិញ។ ក៏ប៉ុន្តែ ក្រុមភ្ញៀវ សល់គ្នាត្រឹមតែ១០នាក់តាំងពីនាទី២៩ បន្ទាប់ពី Cristiano Ronaldo ត្រូវបានអាជ្ញាកណ្ដាលផ្តល់កាតក្រហម។
Juventus រកបាន២គ្រាប់ គឺសុទ្ធតែគ្រាប់បាល់ប៉េណាល់ទី ដោយខ្សែបម្រើ Miralem Pjanic នៅនាទី៤៥ និងនាទី៥១ ។
ចំណែក Ronaldo ត្រូវបានបណ្ដេញចេញពីទីលាន ក្នុងតង់ទី១ បន្ទាប់ពីបានយកដៃទៅទាញសក់កីឡាករ Jeison Murillo នៅមុខអាប៊ីតខ្សែបន្ទាត់។ ទោះបីជាមានការតវ៉ាយ៉ាងណាក្ដី ក៏មិនអាចកែប្រែបានឡើយ។
នេះជាកាតក្រហមលើកទី១ របស់ Ronaldo នៅក្នុងការបង្ហាញខ្លួនលើកដំបូង ឲ្យ Juventus ក្នុងពានរង្វាន់ UEFA Champions League ។ ជាងនេះទៅទៀត កីឡាករសញ្ជាតិព័រទុយហ្គាល់រូបនេហ នឹងត្រូវអវត្តមានក្នុងការប្រកួតរវាង Juventus ទល់នឹងអតីតក្លឹបចាស់របស់ខ្លួន Manchester United នៅខែក្រោយ៕