Jack Ma សុំទោស​ប្រជាជន​អាមេរិក ចំពោះ​ការ​មិនគោរពពាក្យសន្យា

  • 2018-09-19 23:17:16
  • ចំនួនមតិ 0 | ចំនួនចែករំលែក 0

ចន្លោះមិនឃើញ


លោក Jack Ma សហស្ថាបនិក និង​ជា​នាយកប្រតិបត្តិ​ក្រុមហ៊ុន Alibaba បាននិយាយថា លោកមិនអាចសម្រេច​នូវពាក្យសន្យារបស់​លោក​ ក្នុងការបង្កើតអាជីវកម្ម​ចំនួន ១លាន នៅ​សហរដ្ឋអាមេរិកបានឡើយ ដោយសារ​សង្គ្រាមពាណិជ្ជកម្មរវាងក្រុងវ៉ាស៊ីនតោន ជាមួយក្រុង​ប៉េកាំង។ នេះជាការចុះផ្សាយរបស់ទីភ្នាក់ងារសារព័ត៌មាន Xinhua កាលពីថ្ងៃពុធ ទី១៩ ខែកញ្ញា ឆ្នាំ​២០១៨។

លោក Jack Ma ថ្លែងក្នុងសន្និសីទស្ដីពីបញ្ញាសិប្បនិម្មិតពិភពលោក នៅក្រុងសៀងហៃ ប្រទេសចិន កាលពីថ្ងៃទី១៧ ខែកញ្ញា ឆ្នាំ​២០១៨ (រូបថត៖ Reuters)
លោក Ma បានជួបជាមួយប្រធានាធិបតីអាមេរិក ដូណាល់ ត្រាំ កាលពី២ឆ្នាំមុន ​ដោយបានអះអាងថា លោកមានគម្រោងបង្កើតកាអាជីវកម្ម​ខ្នាតតូច ចំនួន១លាន នៅលើទឹកដីអាមេរិក ដើម្បីលក់ផលិតផលអនឡាញទៅកាន់​អតិថិជន នៅប្រទេសចិន ក្នុងរយៈពេល ៥ឆ្នាំខាងមុខ។

លោក Ma បន្តថា សង្គ្រាមពាណិជ្ជកម្មរវាងអាមេរិក និងចិន ​អាចនឹងអូសបន្លាយរហូតដល់ ២ទសវត្សរ៍ ហើយវានឹងបង្កើត​រឿងស្មុគស្មាញជាច្រើនសម្រាប់ភាគីពាក់ព័ន្ធ​ទាំងអស់។ លោកព្យាករថា អាជីវកម្មចិន អាច​ផ្លាស់ចេញពីទឹកដីអាមេរិក ដើម្បីទៅបើកអាជីវកម្ម​នៅប្រទេសផ្សេងទៀត ដែលមិនជាប់ពន្ធដូចនៅអាមេរិក៕

អត្ថបទទាក់ទង

ប្រភព៖ Channelnewsasia ប្រែ​សម្រួល៖ លាភ.

អត្ថបទថ្មី
;