កម្ពុជា និងប្រទេសជាង១០០ ចូលរួមកិច្ចប្រជុំស្តីពី "អំណាចសមុទ្រអន្តរជាតិ" នៅអាមេរិក

2018-09-20 01:43:04
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

បណ្តាមេបញ្ជាចំនួន៧៦រូប និងមេបញ្ជាការឆ្មាំសមុទ្រ ប្រមាណ១០០នាក់ នៅទូទាំងពិភពលោក បានចូលរួមកិច្ចប្រជុំស្តីអំពី "អំណាចសមុទ្រអន្តរជាតិ" លើកទី២៣ ដែលប្រព្រឹត្តធ្វើឡើងកាលពីថ្ងៃទី១៨ ខែកញ្ញា ឆ្នាំ២០១៨ ក្នុងរដ្ឋអាយឡែន សហរដ្ឋអាមេរិក។ ភាគីកម្ពុជា ដែលចូលរួមក្នុងកិច្ចប្រជុំនេះ គឺឧត្តមនាវីឯក ទៀ សុខា មេបញ្ជាការរង កងទ័ពជើងទឹក មេបញ្ជាការទីបញ្ជាការជួរមុខ អគ្គលេខាធិការដ្ឋាន នៃគណៈកម្មាធិការជាតិសន្តិសុខលម្ហសមុទ្រ។

លោកឧត្តមនាវីឯក ទៀ សុខា ក្នុងពេលចូលរួមកិច្ចប្រជុំស្តីអំពី "អំណាចសមុទ្រអន្តរជាតិ" កាលពីថ្ងៃទី១៨កញ្ញា ២០១៨ នៅអាមេរិក

ឧត្តមនាវីឯក ទៀ សុខា បានថ្លែងឱ្យដឹងថា កិច្ចប្រជុំនេះ បានលើកយកបញ្ហាសមុទ្រទូទាំងពិភពលោកមកជជែកពិភាក្សាគ្នា ជាពិសេសបញ្ហាមហាសមុទ្រប៉ាស៊ីហ្វិក មហាសមុទ្រឥណ្ឌា។ ក្រៅពីនេះ សមុទ្រដទៃទៀត នៅតាមបណ្តាប្រទេសទាំងនោះ ក៏ត្រូវបានលើកយកមកពិភាក្សាផងដែរ។

«ក្នុងកិច្ចប្រជុំនេះ កងទ័ពជើងទឹកកម្ពុជា បានទទួលបទពិសោធពីប្រទេសជាមិត្តជាច្រើន និងទទួលបានយោបល់ល្អៗជាច្រើន ដែលគេបានចែករំលែកបញ្ហាសមុទ្រទូទាំងពិភពលោក ហើយអ្វីដែលយើងទទួលបានពេលនេះ និងយកទៅចែករំលែកបន្តនៅប្រទេសយើង លើកិច្ចការសមុទ្រនេះ»។ លោកមេបញ្ជាការរងកងទ័ពជើងទឹក បញ្ជាក់បន្ថែម៕