អង្គការ២ រៀបចំបង្កើតគម្រោងកៅស៊ូថ្នាក់តំបន់ត្រីភាគី កម្ពុជា-ថៃ-មីយ៉ាន់ម៉ា

2018-09-20 03:06:50
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

អង្គការស្បៀងអាហារ និងកសិកម្ម FAO និងអង្គការ CIRAD បានឯកភាពរៀបចំបង្កើតគម្រោងកៅស៊ូថ្នាក់តំបន់ត្រីភាគីរវាងប្រទេសកម្ពុជា ថៃ និងមីយ៉ាន់ម៉ា។ នេះបើតាមការបញ្ជាក់របស់លោកបណ្ឌិត Pierre-Marie Bosc មន្ត្រីជានខ្ពស់នៃអង្គការ FAO ក្នុងជំនួបពិភាក្សាជាមួយលោក វេង សាខុន រដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ កាលពីថ្ងៃទី១៩ កញ្ញា ២០១៨ នៅទីស្តីការក្រសួង។

លោកបណ្ឌិតលើកឡើងថា គម្រោងនេះផ្តោតសំខាន់ទៅលើប្រព័ន្ធសង្កេតការណ៍ សិក្សាស្រាវជ្រាវ និងវិភាគជាលម្អិតនៃលទ្ធផលដែលទទួលបាននៃប្រទេសនីមួយៗ ដើម្បីធ្វើការប្រៀបធៀប និងវាយតម្លៃអំពីស្ថានភាព ក៏ដូចជាប្រសិទ្ធភាពនៃការអនុវត្តដាំដុះ ការប្រមូលផលជ័រកៅស៊ូ និងធ្វើការកែសម្រួល។

ការឯកភាពបង្កើតគម្រោងនេះ បន្ទាប់ពីអង្គការទាំង២ បានមើលឃើញថា កសិករកៅស៊ូគ្រួសារ មានបញ្ហាប្រឈមខ្លាំងគួរឲ្យព្រួយបារម្ភ ជាពិសេសលើបញ្ហាតម្លៃកៅស៊ូធម្មជាតិកំពុងធ្លាក់ថ្លៃ ការប្រែប្រួលអាកាសធាតុ និងទិន្នផលក៏បានថយចុះ។

កសិករ កំពុងប្រមូលផលទឹកជ័រកៅស៊ូ នៅចម្ការកៅស៊ូមួយកន្លែង

ជាការឆ្លើយតប លោក វេង សាខុន បានសម្តែងនូវការគាំទ្រ និងវាយតម្លៃខ្ពស់ចំពោះគម្រោងខាងលើនេះ។ លោករដ្ឋមន្រ្តីបញ្ជាក់ថា ការបង្កើនសមត្ថភាពមន្ត្រីជំនាញ និងកសិករដាំកៅស៊ូ ការកាត់បន្ថយថ្លៃដើម និងពលកម្ម ការបង្កើនទិន្នផល ការធ្វើឲ្យប្រសើរឡើងនូវគុណភាពជ័រកៅស៊ូ ការធានាបាននូវនិរន្តរភាពនៃដើមកៅស៊ូ និងជាពិសេសការបង្កើនប្រាក់ចំណូលគ្រួសារ គឺជាគន្លឹះដ៏សំខាន់ និងគោលដៅរបស់ក្រសួង។

ទន្ទឹមនឹងនេះ ដើម្បីអនុវត្តគម្រោងនេះឱ្យទទួលបានភាពជោគជ័យ លោក វេង សាខុន បានស្នើឲ្យអង្គការ FAO សហការជិតស្និទ្ធជាមួយមន្ត្រីជំនាញនៃក្រសួង ព្យាយាមឲ្យអស់លទ្ធភាព ធ្វើយ៉ាងណាពង្រឹងវិស័យកៅស៊ូឡើងវិញប្រកបដោយចីរភាព។

យោងតាមទិន្នន័យរបស់អគ្គនាយកដ្ឋានកៅស៊ូ បង្ហាញថា នៅក្នុងសប្តាហ៍ទី២ នៃខែកញ្ញា ឆ្នាំ២០១៨ តម្លៃប្រមូលទិញជ័រកៅស៊ូពីកសិករកៅស៊ូគ្រួសារ ក្នុងខេត្តកំពង់ចាម ត្បូងឃ្មុំ កំពង់ធំ រតនគិរី ក្រចេះ និងមណ្ឌលគិរី គឺ៖