ក្រុងបាងកក គ្រោងពង្រីកព្រលានយន្តហោះរបស់ខ្លួន ដើម្បីប្រកួតប្រជែងនឹងសិង្ហបុរី

2018-09-20 03:18:04
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក Arkhom Termpittayapaisith រដ្ឋមន្ត្រីដឹកជញ្ជូន ថៃ បានឲ្យដឹងថា ថៃនឹងពង្រីកព្រលានយន្តហោះរបស់ខ្លួន នៅក្នុងនិងជុំវិញក្រុងបាងកក ដើម្បីទទួលអ្នកដំណើរច្រើនជាងប្រទេសសិង្ហបុរី។

លោក Arkhom Termpittayapaisith រដ្ឋមន្ត្រីដឹកជញ្ជូន (រូបថត៖ asia.nikkei.com)

ថ្លែងប្រាប់ក្នុងកិច្ចសម្ភាសជាមួយសារព័ត៌មាន Nikkei Asian Review កាលពីពេលថ្មីៗនេះ រដ្ឋមន្ត្រីថៃដដែល បានបង្ហើបថា ថៃគ្រោងសាងសង់ព្រលានយន្តហោះថ្មី U-Tapao ដែលស្ថិតនៅលើទីតាំងមូលដ្ឋានទ័ពអាកាសបាងកកចាស់ ដើម្បីទទួលអ្នកដំណើរប្រមាណជា ៦០លាននាក់ក្នុងមួយឆ្នាំ។ ដំណើរការនេះ ត្រូវបានរយៈពេល ២០ឆ្នាំ។ បច្ចុប្បន្ន ព្រលានយន្តហោះដដែល ទទួលអ្នកដំណើរប្រមាណ ៣០ម៉ឺននាក់ក្នុងមួយឆ្នាំ។ ស្ថិតក្នុងច្រករបៀងសេដ្ឋកិច្ចខាងលិច ដែលជាតំបន់សេដ្ឋកិច្ចពិសេស ព្រលានយន្តហោះ U-Tapao នឹងដើរតួយ៉ាងសំខាន់សម្រាប់អ្នកវិនិយោគ។

រដ្ឋមន្ត្រីថៃដដែលបន្តថា ព្រលានយន្តហោះ សុវណ្ណភូមិ និង Don Mueng របស់ថៃក៏នឹងត្រូវពង្រីងផងដែរ ដើម្បីទទួលអ្នកដំណើរ ១៣០លាននាក់។ ជារួម ព្រលានយន្តហោះទាំង៣ នឹងទទួលអ្នកដំណើរ ១៩០លាននាក់ បើធៀបនឹងព្រលានយន្តហោះ Changi របស់សិង្ហបុរី ដែលនឹងទទួលអ្នកដំណើរ ត្រឹមតែ ១៥០លាននាក់ប៉ុណ្ណោះ នៅឆ្នាំ២០៣០៕

ប្រភព៖ Asia.Nikkei ប្រែសម្រួល៖ លាភ.