សង្រ្គាមពាណិជ្ជកម្ម៖ ចិនជំរុញឲ្យអាមេរិកបង្ហាញភាពស្មោះត្រង់ និងកែប្រែអាកប្បកិរិយា

2018-09-20 09:07:18
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រសួងពាណិជ្ជកម្មចិន នៅថ្ងៃទី២០ ខែកញ្ញា ២០១៨នេះ បានប្រកាសថា ប្រទេសចិនសង្ឃឹមថា អាមេរិកនឹងបង្ហាញភាពស្មោះត្រង់ និងធ្វើការកែប្រែអាកប្បកិរិយារបស់ខ្លួន។ ការប្រកាសនេះ គឺក្រោយប្រទេសទាំងពីរបានប្រកាសដំឡើងពន្ធលើទំនិញគ្នាទៅវិញទៅមកបន្ថែមទៀត កាលពីដើមសប្ដាហ៍នេះ។

រូបភាព៖ Reuters

លោក Gao Feng អ្នកនាំពាក្យក្រសួងពាណិជ្ជកម្មចិនបានបញ្ជាក់ថា ចិនត្រូវបានបង្ខំឲ្យចាត់វិធានការសងសឹកនានាលើអាមេរិក ដើម្បីការពារផលប្រយោជន៍របស់ខ្លួន។ លោកបន្ថែមថា ប្រទេសចិនកំពុងសិក្សាវិធានការនានា ដើម្បីជួយឧស្សាហកម្មបរទេសក្នុងប្រទេសចិន ក្នុងការឆ្លើយតបនឹងផលប៉ះពាល់ពីការដំឡើងពន្ធជាថ្មីរបស់អាមេរិក។

សូមបញ្ជាក់ថា លោក ដូណាល់ ត្រាំ ប្រធានាធិបតីអាមេរិក កាលពីថ្ងៃទី១៨ ខែកញ្ញា ២០១៨នេះ បានគំរាមដំឡើងពន្ធបន្ថែមទៀតប្រឆាំងនឹងចិន ប្រសិនបើចិនដាក់គោលដៅដំឡើងពន្ធលើទំនិញរបស់កម្មករកសិកម្ម និងឧស្សាហកម្មអាមេរិក៕

អត្ថបទទាក់ទង៖

ប្រភព៖ Channelnewsasia ប្រែសម្រួល៖ វាសនា