នាយទាហានជាន់ខ្ពស់ ៥រូប សុំលាលែងចេញពីតួនាទី "នាយរងសេនាធិការចម្រុះ"

2018-09-20 09:14:13
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

នាយទាហានជាន់ខ្ពស់ ៥រូប បានសុំលាលែងចេញពីតួនាទីជានាយរងសេនាធិការចម្រុះ ដោយនៅកាន់តែមុខតំណែងតែមួយប៉ុណ្ណោះ។ នេះបើយោងតាមលិខិត ដែលនាយទាហានជាន់ខ្ពស់ទាំង ៥រូបនោះ ផ្ញើជូនលោកឧត្ដមសេនីយ៍ឯក ហ៊ុន ម៉ាណែត អគ្គមេបញ្ជាការរងកងយោធពលខេមរភូមិន្ទ និងជាមេបញ្ជាការ បញ្ជាការដ្ឋានកងទ័ពជើងឝោក កាលពីថ្ងៃទី១៤ ខែកញ្ញា ឆ្នាំ២០១៨ កន្លងទៅ។

នាយទាហានជាន់ខ្ពស់ ទាំង ៥រូប រួមមានដូចខាងក្រោម៖

១. ឧត្ដមសេនីយ៍ឯក ស្រី ឌឹក មេបញ្ជាការ កងពលធំអន្តរាគមន៍លេខ៣

ឧត្ដមសេនីយ៍ឯក ស្រី ឌឹក

**២. ឧត្ដមសេនីយ៍ឯក កែវ ធី** មេបញ្ជាការ កងពលធំអន្តរាគមន៍លេខ២

ឧត្ដមសេនីយ៍ឯក កែវ ធី (រូបភាព៖ អគ្គនាយកដ្ឋានយោធសេវា ក្រសួងការពារជាតិ)

៣. ឧត្ដមសេនីយ៍ឯក ចាប ភក្ដី មេបញ្ជាការ កងពលតូចទ័ពឆត្រយោង៩១១

ឧត្ដមសេនីយ៍ឯក ចាប ភក្ដី (រូបភាព៖ អគ្គនាយកដ្ឋានយោធសេវា ក្រសួងការពារជាតិ)

៤. ឧត្ដមសេនីយ៍ឯក ព្រហ្ម ផេង មេបញ្ជាការ កងពលតូចអន្តរាគមន៍លេខ១

ឧត្ដមសេនីយ៍ឯក ព្រហ្ម ផេង

៥. ឧត្ដមសេនីយ៍ឯក ម៉ៅ សុផាន់ មេបញ្ជាការ កងពលតូចថ្មើរជើងលេខ៧០

ឧត្ដមសេនីយ៍ឯក ម៉ៅ សុផាន់

លោកនាយឧត្តមសេនីយ៍ ឈុំ សុជាត អ្នកនាំពាក្យក្រសួងការពារជាតិ បានថ្លែងប្រាប់ [ខ្លីៗ] នៅរសៀលថ្ងៃទី២០ ខែកញ្ញា នេះថា ការលាលែងចេញពីនាយរងសេនាធិការចម្រុះ របស់នាយទាហានទាំង ៥រូប គឺជាការស័្មគ្រចិត្ត ដើម្បីបន្ថយតួនាទី ប៉ុន្តែនៅតែស្ថិតក្រោមការដឹកនាំបញ្ជារបស់កងទ័ពជើងគោកដដែល។ សម្តេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ បានមានអនុសាសន៍ ក្នុងពិធីបែងចែកភារកិច្ចនៃថ្នាក់ដឹកនាំក្រសួងការពារជាតិ កាលពីថ្ងៃទី១៨ ខែកញ្ញាថា អ្នកដែលមានតួនាទីពីរក្នុងជួរកងទ័ព គួរពិចារណាកាត់បន្ថយ ដោយទុកតែតួនាទីមួយបានហើយ៕

អត្ថបទ៖ សោភា