រដ្ឋមន្រ្តីកសិកម្ម បញ្ជាឱ្យចុះពិនិត្យមើលការកាន់កាប់ដីគម្របព្រៃឈើ នៅខេត្តព្រះសីហនុ

2018-09-21 03:37:13
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ លោក វេង សាខុន បានបញ្ជាឲ្យប្រធានរដ្ឋបាលព្រៃឈើ ដែលទើបតែតែងតាំងថ្មី គឺលោក កែវ អូម៉ាលីស្ស ចុះពិនិត្យមើលករណី មន្ត្រីជាន់ខ្ពស់ និងអ្នកមានមួយចំនួន ដែលបានកាន់កាប់ដីគម្របព្រៃឈើ នៅខេត្តព្រះសីហនុ។

ការបញ្ជានេះ បានធ្វើឡើងនៅក្នុងពិធីប្រកាស និងផ្ទេរតំណែងប្រតិភូរាជរដ្ឋាភិបាលទទួលបន្ទុកជាប្រធានរដ្ឋបាលព្រៃឈើ និងប្រតិភូរាជរដ្ឋាភិបាលកម្ពុជា ទទួលបន្ទុកជាអគ្គនាយក នៃអគ្គនាយកដ្ឋានកសិកម្ម កាលពីព្រឹកថ្ងៃទី២០ ខែកញ្ញា នៅទីស្តីការក្រសួងកសិកម្ម។

លោក វេង សាខុន (ឆ្វេង) និងលោក កែវ អូម៉ាលីស្ស (ស្តាំ) ក្នុងពិធីប្រកាស និងផ្ទេរតំណែងប្រតិភូរាជរដ្ឋាភិបាលទទួលបន្ទុកជាប្រធានរដ្ឋបាលព្រៃឈើ កាលពីថ្ងៃទី២០កញ្ញា

ជាមួយគ្នានេះ លោកក៏បានឲ្យមន្ត្រីរបស់ខ្លួន ខិតខំដាំដុះព្រៃឈើឡើងវិញ និងជំនះរាល់ឧបសគ្គនានា ដែលមានការរាំងស្ទះផងដែរ។

«កន្លងទៅនេះ យើងអត់ដឹងអ្នកណាមានដីកាន់កាប់កម្មសិទ្ធិច្បាស់លាស់ ដល់ពេលអ្នកក្លែងក្លាយចូលទៅវ៉ៃលុកកន្លែងតំបន់ហ្នឹង ហើយស្នើមកក្រសួងឲ្យកាត់ចេញពីដីគម្របព្រៃឈើ ហើយស្រាប់តែយកមកសុទ្ធតែប្លង់រឹងទាំងអស់។ ភាគច្រើន គឺមន្ត្រីជាន់ខ្ពស់ អ្នកមានមួយចំនួន គឺមានប្លង់រឹង បានន័យថា លួចធ្វើប្លង់រឹងខុសច្បាប់ ហើយមកអួតប្រាប់ថា គាត់មានប្លង់រឹងស្របច្បាប់។ តាមពិតគាត់យកមក បង្ហាញថាគាត់ខុសច្បាប់រួចហើយ យើងមិនទាន់បានកាត់គម្របព្រៃឈើនៅឡើយទេ រឿងអីបានជាការអនុញ្ញាតឲ្យឈានទៅដល់ការធ្វើប្លង់រឹង»។ នេះបើតាមការបញ្ជាក់របស់លោករដ្ឋមន្រ្តីកសិកម្ម៕

អត្ថបទ៖ សោភា