ចាប់ពីឆ្នាំ២០១៩ ម្ចាស់សហគ្រាសទាំងអស់ ត្រូវបើកប្រាក់ឈ្នួលឲ្យបុគ្គលិក២ដងក្នុង១ខែ

2018-09-21 06:27:25
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រសួងការងារ និងបណ្ដុះបណ្ដាលវិជ្ជាជីវៈ បានចេញសេចក្ដីជូនដំណឹងនៅថ្ងៃទី២១ ខែកញ្ញា ឆ្នាំ២០១៨ ស្ដីពីរបៀបថ្មីនៃការបើកប្រាក់ឈ្នួលជូនកម្មករនិយោជិត ដែលនឹងចាប់អនុវត្តចាប់ពីឆ្នាំ២០១៩ខាងមុខតទៅ។

ក្នុងសេចក្ដីជូនដំណឹង បានរៀបរាប់ថា ចាប់ពីខែមករា ឆ្នាំ២០១៩ ម្ចាស់សហគ្រាស គ្រឹះស្ថានទាំងឡាងណា ដែលស្ថិតនៅក្រោមបទប្បញ្ញត្តិនៃច្បាប់ស្ដីពីការងារត្រូវរៀបចំឲ្យមានការបើកប្រាក់ឈ្នួលជូនកម្មករនិយោជិតចំនួន ២ដង នៅក្នុង១ខែ។ ការបើកលើកទី១ ត្រូវធ្វើឡើងនៅក្នុងសប្ដាហ៍ទី២ និងលើកទី២ ក្នុងសប្ដាហ៍ទី៤ នៃខែនីមួយៗ តាមបែបបទដូចខាងក្រោម៖

លើកទី១ គឺស្មើនឹងចំនួន ៥០% នៃប្រាក់ឈ្នួលសុទ្ធសាធក្នុង១ខែ
លើកទី២ គឺស្មើនឹងចំនួនប្រាក់ឈ្នួលសុទ្ធសាធដែលនៅសល់ ប្រាក់ឈ្នួលបន្ទាប់បន្សំ និងអត្ថប្រយោជន៍ផ្សេងៗទៀត ដែលកម្មករនិយោជិតត្រូវទទួលបាននៅក្នុងខែនីមួយៗ៕

អត្ថបទ៖ ឈាង.