អាជ្ញាធរថៃ ព្រមានដាក់ពិន័យដល់អ្នកដែលឱ្យចំណីព្រាប នៅទីសាធារណៈ

2018-09-21 08:46:23
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

អាជ្ញាធរក្រុងបាងកក ប្រទេសថៃ បានព្រមានកាលពីថ្ងៃទី២០សីហាម្សិលមិញថា ខ្លួននឹងដាក់ពិន័យដល់អ្នកបំពានច្បាប់ ដែលឱ្យចំណីសត្វព្រាប នៅទីកន្លែងសាធារណៈ។ នេះបើតាមការចុះផ្សាយរបស់បាងកកប៉ុស្តិ៍ នៅថ្ងៃទី២១កញ្ញានេះ។

ការពិន័យនេះ គឺមានទាំងការជាប់ពន្ធនាគាររយៈពេល ៣ខែ និងទឹកប្រាក់ ២៥០០០បាត (ជាង ៧៧០ដុល្លារអាមេរិក) ដោយសារតែមានការបារម្ភពីការកើនឡើងនូវចំនួនរបស់សត្វព្រាប និងគ្រោះថ្នាក់សុខភាពធ្ងន់ធ្ងរ។

ភ្ញៀវទេសចរ ឱ្យចំណីសត្វព្រាប នៅទីសាធារណៈ ក្នុងក្រុងបាងកក នាពេលកន្លងមក (រូបថត៖ បាងកកប៉ុស្តិ៍)

ការព្រមាននេះ ធ្វើឡើងបន្ទាប់ពីលោកនាយករដ្ឋមន្រ្តីថៃ បា្រយុទ្ធ ចាន់អូឆា កាលពីថ្ងៃពុធ បានបញ្ជាឱ្យអាជ្ញាធរក្រុងបាងកក និងអង្គការក្នុងស្រុក នៅទូទាំងប្រទេស រឹតបន្តឹងច្បាប់អំពីការឱ្យចំណីសត្វស្លាប នៅទីសាធារណៈ ដោយសារតែបញ្ហាអនាម័យ។ ប៉ុន្តែលោកថា រាល់វិធានការច្បាប់ណាមួយ ដែលធ្វើឡើងនោះ គឺមិនត្រូវប៉ះពាល់ដល់សត្វស្លាបជាដាច់ខាត។

សាលាក្រុងបាងកក អះអាងថា ភ្ញៀវទេសចរមួយចំនួន នៅតែបន្តឱ្យចំណីសត្វស្លាប បើទោះបីជាផ្លាកសញ្ញាហាមឃាត់ក៏ដោយ៕

ប្រភព៖ Bangkokpost ប្រែសម្រួល៖ សំភី