ទំហំពាណិជ្ជកម្មកម្ពុជា-ថៃកើនឡើង តែការនាំចេញពីកម្ពុជាធ្លាក់ចុះ

2018-09-22 09:24:50
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ស្ថានទូតថៃប្រចាំកម្ពុជា បានចេញរបាយការណ៍ឲ្យដឹងថា ក្នុងរយៈ៧ខែ ឆ្នាំ២០១៨នេះ ពោលចាប់ពីខែមករា ដល់កក្កដា ឆ្នាំ២០១៨ ទំហំពាណិជ្ជកម្មកម្ពុជា-ថៃ បានកើនឡើងដល់ជាង ៤ពាន់លានដុល្លារ បើធៀបនឹងរយៈពេលដូចគ្នាឆ្នាំ២០១៧ ខណៈកម្ពុជានាំចូលទៅថៃ មានការធ្លាក់ចុះ។

យោងតាមរបាយការណ៍ដែលចេញផ្សារដោយស្ថានទូតថៃប្រចាំនៅកម្ពុជា បានឲ្យដឹងថា រយៈពេល៧ខែ ឆ្នាំ២០១៨ ទំពាណិជ្ជកម្មកម្ពុជា-ថៃ មានទំហំទឹកប្រាក់ចំនួនជាង ៤៦០០លានដុល្លារ កើនឡើងប្រហែល ៣៤% បើធៀបនឹងរយៈពេលដូចគ្នាឆ្នាំ២០១៧ ដែលមានត្រឹមតែជាង ៣៤០០លានដុល្លារ ប៉ុណ្ណោះ។

របាយការណ៍ដដែលបានឲ្យដឹងទៀតថា ថៃនាំចូលកម្ពុជាមានទំហំទឹកប្រាក់ចំនួនជាង ៤១០០លានដុល្លារ កើនឡើងប្រហែល ៤០% បើធៀបរយៈពេលដូចគ្នាឆ្នាំ២០១៧ ដែលមានត្រឹមតែជាង ២៩០០លានដុល្លារ។ ចំណែកកម្ពុជានាំចូលថៃមានត្រឹមតែប្រហែល ៥០០លានដុល្លារ ធ្លាក់ចុះ ១.២% បើធៀបនឹងរយៈពេលដូចគ្នាឆ្នាំ២០១៧ មានចំនួនជាង ៥០៥លានដុល្លារ។

ទិដ្ឋភាពខាងមុខទីស្ដីការក្រសួងពាណិជ្ជកម្ម

សូមបញ្ជាក់ថា ផលិតផលដែលកម្ពុជានាំចេញទៅថៃ ភាគច្រើនជាកសិផលរួមមានដូចជា ពោត ដំឡូងមី សណ្ដែក ជាដើម ខណៈប្រទេសថៃនាំចូលមកកម្ពុជាវិញ មានដូចជា គ្រឿងចក្រ ឧបករណ៍អេឡិចត្រូនិក ប្រេងឥន្ធនៈ សម្ភារៈសំណង់ គ្រឿងឧបភោគបរិភោគ គ្រឿងសម្អាង សម្ភារៈប្រើប្រាស់ក្នុងផ្ទះជាដើម៕

ប្រភព៖ Vayo Fm ប្រែសម្រួល៖ លាភ.