កូរ៉េ កម្ពុជា បន្តសហការជួសជុលសំណង់បុរាណចំនួន២ នៅខេត្តសៀមរាប

2018-09-22 09:59:27
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

អាជ្ញាធរជាតិអប្សរា និងភ្នាក់ងារសហប្រតិបត្តិការអន្តរជាតិកូរ៉េ (KOICA) នឹងចុះអនុស្សរណៈយោគយល់គ្នានៅចុងឆ្នាំ២០១៨ ដើម្បីបន្តជួសជុលក្រុមប្រាសាទព្រះពិធូរ ជំហានទី២ និងព្រះលានជល់ដំរី។

ជំនួបរវាងលោក ហង់ ពៅ អគ្គនាយករងអាជ្ញាធរជាតិអប្សរា ជាមួយលោកស្រី Weon Jihye អនុប្រធានភ្នាក់ងារសហប្រតិបត្តិការអន្តរជាតិកូរ៉េ (KOICA) កាលពីថ្ងៃទី២១ ខែកញ្ញា ឆ្នាំ២០១៨ (រូបថត៖ ក្រសួងវប្បធម៌ និងវិចិត្រសិល្បៈ)

ការឲ្យដឹងដូច្នេះ ត្រូវបានធ្វើឡើង កាលពីថ្ងៃទី២១ ខែកញ្ញា ឆ្នាំ២០១៨ ក្នុងជំនួបពិភាក្សាការងារមួយចំនួននៅតំបន់អង្គរ រវាងលោក ហង់ ពៅ អគ្គនាយករងអាជ្ញាធរជាតិអប្សរា តំណាងលោក ស៊ុ ម៉ាប់ អគ្គនាយកអាជ្ញាធរជាតិអប្សរា ជាមួយគណៈប្រតិភូកូរ៉េដឹកនាំដោយលោកស្រី Weon Jihye អនុប្រធានភ្នាក់ងារសហប្រតិបត្តិការអន្តរជាតិកូរ៉េ (KOICA)។

ក្នុងជំនួបនេះ បានឲ្យដឹងថា ការជួសជុលក្រុមប្រាសាទព្រះពិធូរជំហានទី១ បានបញ្ចប់ប្រកបដោយជោគជ័យ ហើយថែមទាំងបានបណ្តុះបណ្តាលធនធានមនុស្សរបស់អាជ្ញាធរជាតិអប្សរាទាំងក្នុងស្រុក និងក្រៅស្រុក បានយ៉ាងច្រើននិងពេញដោយសមត្ថភាពការងារ។