ជប៉ុន សម្រេចនូវការចុះចតលើអាចម៌ផ្កាយ ជាលើកដំបូងក្នុងប្រវត្តិសាស្រ្ត
- 2018-09-23 05:07:26
- ចំនួនមតិ 0 | ចំនួនចែករំលែក 0
ជប៉ុន សម្រេចនូវការចុះចតលើអាចម៌ផ្កាយ ជាលើកដំបូងក្នុងប្រវត្តិសាស្រ្ត
ចន្លោះមិនឃើញ
ភ្នាក់ងារអវកាសជប៉ុន (JAXA) បានប្រកាសកាលពីថ្ងៃទី២២កញ្ញាម្សិលមិញថា ខ្លួនបានទទួលជោគជ័យជាលើកដំបូងក្នុងប្រវត្តិសាស្រ្ត ក្នុងការដាក់មនុស្សយន្ត ចុះចតនៅលើផ្ទៃដីអាចម៌ផ្កាយ។
អង្គការ JAXA បានឱ្យដឹងថា មនុស្សយន្តដែលមានឈ្មោះ MINERVA-II1 ចំនួន២គ្រឿង បានបំបែកខ្លួនចេញពីយានអវកាស Hayabusa 2 ហើយចុះចតបានសម្រេចលើដីអាចម៌ផ្កាយមួយឈ្មោះ Ryugu កាលពីថ្ងៃទី២១កញ្ញា។
មនុស្សយន្តទាំង២គ្រឿង ស្ថិតក្នុងលក្ខណៈល្អប្រសើរ ហើយបានបញ្ជូននូវរូបភាព និងទិន្នន័យមកផែនដីវិញ។ ប៉ុន្តែរូបភាពមានសភាពព្រាលដោយសារតែមនុស្សយន្ត បានធ្វើចលនាបង្វិល ក្នុងពេលថត។ នេះបើតាមការបង្ហោះនៅលើបណ្តាញ Twitter របស់អង្គការ JAXA។
សូមរំលឹកថា យានអវកាសអង្កេត Hayabusa 2 ត្រូវបានបាញ់បង្ហោះកាលពីខែធ្នូ ឆ្នាំ២០១៤ ហើយបានទៅដល់គន្លងនៃអាចម៌ផ្កាយនេះ កាលពីខែមិថុនា ឆ្នាំ២០១៨កន្លងទៅ។
អង្គការជប៉ុន បន្ថែមថា យានអវកាសនេះ នឹងចុះចតនៅលើអាចម៌ផ្កាយ Ryugu នៅចុងខែតុលា ហើយនឹងនាំយកគំរូនានាពីអាចម៌ផ្កាយនេះមកផែនដីវិញ នៅត្រឹមចុងឆ្នាំ២០២០៕
© រក្សាសិទ្ធិគ្រប់យ៉ាងដោយ Sabay ឆ្នាំ២០១៦
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
