ក្រៅពីពានសម្តេច ហ៊ុន សែន ក្រុមទ័ព និងប៉ូលិស នឹងត្រូវដណ្តើមស្បែកជើងមាស ១ទៀត

2018-09-27 09:46:07
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រុមក្រសួងការពារជាតិ (ទ័ព) និងអគ្គស្នងការដ្ឋាននគរបាលជាតិ (ប៉ូលិស) នឹងត្រូវប្រកួតដណ្តើមពានរង្វាន់ Hun Sen Cup នៅថ្ងៃទី៦ ខែតុលា ឆ្នាំ២០១៨ខាងមុខនេះ។ ក្រៅពីពានរង្វាន់នេះ កីឡាករក្រុមទាំង២ ក៏ត្រូវដណ្តើមស្បែកជើងមាសផងដែរ។

បើតាមការចុះផ្សាយរបស់គណៈកម្មការប្រកួតបាល់ទាត់ជាតិកម្ពុជា CNCC កាលពីថ្ងៃទី២៦កញ្ញា ឱ្យដឹងថា ទ័ព ធ្លាប់គ្រងជើងឯកពានរង្វាន់នេះ ២លើក កាលពីឆ្នាំ២០១០ និង ២០១៦ ខណៈក្រុមប៉ូលិស លើកពាននេះលើកដំបូងនៅឆ្នាំ២០១៤។ តែអ្វីដែលគួរឱ្យកត់សម្គាល់នោះ គឺក្រុមទាំង២ មិនទាន់មានកីឡាករឈ្នះស្បែកជើងមាសនៅឡើយទេ។

ក្រុមប៉ូលិស ក្នុងពេលប្រកួតយកឈ្នះ អង្គរថាយហ្គឺរ នៅវគ្គពាក់កណ្តាលផ្តាច់ព្រ័ត្រ Hun Sen Cup កាលពីថ្ងៃទី២កញ្ញា ២០១៨

យ៉ាងណាក៏ដោយ ទាំងទ័ព និង ប៉ូលិស អាចឆក់យករង្វាន់នេះ លើកដំបូងដូចគ្នានៅវគ្គផ្តាច់ព្រ័ត្រខាងមុខនេះ។ ជាក់ស្ដែង ខ្សែប្រយុទ្ធ នួន បូរី របស់ក្រុមប៉ូលិស កំពុងនាំមុខលើតារាងអ្នកទាត់ចូលច្រើនជាងគេ ដោយរកបាន ៧គ្រាប់ តាមពីក្រោយដោយកីឡាករទ័ព ២រូប គឺ សុខ ហៀង ដែលមាន៥គ្រាប់ និង ឈិន ឈឿន ស៊ុតចូល ៤គ្រាប់៕