មេធាវីរបស់ Ronaldo ប្រតិកម្មនឹងការចុះផ្សាយរឿងរំលោភ

2018-09-29 08:13:09
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រុមមេធាវី របស់តារាបាល់ទាត់ឆ្នើម Cristiano Ronaldo បានបញ្ជាក់ថា ពួកគេនឹងដាក់ពាក្យប្ដឹងទស្សវដ្តីអាល្លឺម៉ង់ Der Spiegel បន្ទាប់ពីបានចុះផ្សាយខុសច្បាប់ពីការចោទប្រកាន់ របស់ស្ត្រីជនជាតិអាមេរិក ពាក់ព័ន្ធនឹងករណីចាប់រំលោភ កាលពីឆ្នាំ២០០៩។

Ronaldo (រូបថត៖ spiegel)

លោក Christian Schertz មេធាវីរបស់ Ronaldo បានធ្វើសេចក្ដីថ្លែងការណ៍មួយ ដែលអះអាងថា ការចុះផ្សាយរបស់ Der Spiegel គឺជាការសង្ស័យមិនច្បាស់លាស់មកលើឯកជនភាពរបស់ Ronaldo ។

សេចក្ដីថ្លែងការណ៍របស់មេធាវីខាងលើ ត្រូវបានផ្ដល់ឲ្យទីភ្នាក់ងារសារព័ត៌មាន Reuters ដោយភ្នាក់ងាររបស់ Ronaldo ឈ្មោះ Gestifute ដើម្បីជាការឆ្លើយតបនឹងការចុះផ្សាយរបស់ទស្សនាវដ្ដី Der Spiegel ។ ក៏ប៉ុន្តែ លោក Gestifute មិនបានឆ្លើយលម្អិតពាក់ព័ន្ធនឹងការអះអាងរបស់ Der Spiegel នោះទេ។ Reuters មិនអាចអះអាងថា ការចុះផ្សាយរបស់ Der Spiegel ជារឿងពិត ឬមិនពិតនោះទេ។

ជុំវិញបញ្ហានេះ ក្លឹបបាល់ទាត់ Juventus ដែល Ronaldo កំពុងប្រកបអាជីព ក៏មិនបានឆ្លើយតបនឹងការចុះផ្សាយរបស់ Der Spiegel ផងដែរ។

សូមជម្រាបថា Der Spiegel ចុះផ្សាយថា ករណីរំលោភនោះ បានកើតឡើងកាលពីឆ្នាំ២០០៩ នៅក្នុងបន្ទប់សណ្ឋាគារមួយ នៅក្រុង Las Vegas សហរដ្ឋអាមេរិក។ ស្ត្រីដែលជាជនរងគ្រោះ ត្រូវបានរាយការណ៍ថា មានឈ្មោះ Kathryn Mayorga ៕

អត្ថបទទាក់ទង Ronaldo ត្រូវចោទប្រកាន់ពីបទរំលោភលើនារីអាមេរិកម្នាក់