ក្រសួងពាណិជ្ជកម្ម ជូនដំណឹងពីការរៀបចំ "ពិព័រណ៍កិច្ចសហប្រតិបត្តិការមេគង្គ-ឡានឆាង" នៅចិន

2018-10-03 03:01:01
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

គណៈកម្មការរៀបចំពិព័រណ៍ នៃកិច្ចសហប្រតិបត្តិការមេគង្គ-ឡានឆាង ប្រទេសចិន នឹងរៀបចំព្រឹត្តិការណ៍ "ពិព័រណ៍កិច្ចសហប្រតិបត្តិការមេគង្គ-ឡានឆាង" ចាប់ពីថ្ងៃទី២៣ ដល់ ២៧ ខែវិច្ឆិកា ឆ្នាំ២០១៨។ នេះបើតាមសេចក្តីជូនដំណឹងរបស់ក្រសួងពាណិជ្ជកម្មកម្ពុជា កាលពីថ្ងៃទី២ ខែតុលា ឆ្នាំ២០១៨។

ព្រឹត្តិការណ៍នេះ នឹងមានការចូលរួមពីបណ្តាសហគ្រាស និងក្រុមហ៊ុននានា មកពីប្រទេសដែលស្ថិតនៅក្នុងអនុតំបន់ទន្លេមេគង្គ ដោយដាក់តាំងបង្ហាញនូវផលិតផលចម្រុះ និងគម្រោងវិនិយោគនានាជាច្រើនទៀត។ ក្នុងនោះ គណៈកម្មការរៀបចំពិព័រណ៍នេះ បានផ្តល់ស្តង់ចំនួន ១៥ស្តង់ ឱ្យកម្ពុជា ដែលមានតម្លៃ ៥០០យ័នក្នុងមួយស្តង់។

ជាមួយគ្នានេះ ក្រសួងពាណិជ្ជកម្ម បានអញ្ជើញពាណិជ្ជករ អាជីវករជាម្ចាស់ក្រុមហ៊ុន និងសហគ្រាស់ទាំងអស់ ដែលមានបំណងចូលរួមផ្សព្វផ្សាយលើផលិតផលរបស់ខ្លួន ឬស្វែងរកដៃគូពាណិជ្ជកម្មក្នុងពិព័រណ៌នេះ ឱ្យទាក់ទង និងបំពេញបែបបទនៅនាយកដ្ឋានកិច្ចការពិព័រណ៍ នៃអគ្គនាយកដ្ឋានជំរុញពាណិជ្ជកម្ម ចាប់ពីថ្ងៃជូនដំណឹង រហូតដល់ថ្ងៃទី៥ ខែវិច្ឆិកា ឆ្នាំ២០១៨។ នាយកដ្ឋាននេះ មានទីតាំងនៅជាន់ទី២ នៃអគារទីស្តីការក្រសួងពាណិជ្ជកម្ម ស្ថិតនៅបណ្តោយមហាវិថីសហព័ន្ធរុស្ស៊ី ភូមិទឹកថ្លា សង្កាត់ទឹកថ្លា ខណ្ឌសែនសុខ រាជធានីភ្នំពេញ៕