អាមេរិកប្រាប់ចិន៖ យើងនឹងមិនត្រូវបានគំរាមកំហែងនៅសមុទ្រចិនខាងត្បូងនោះទេ

2018-10-04 03:32:07
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក Mike Pence អនុប្រធានាធិបតីអាមេរិក នៅថ្ងៃទី៤ ខែតុលា ឆ្នាំ២០១៨នេះបានលើកឡើងថា អាមេរិកនឹងមិនដកខ្លួនចេញពីអ្វីដែលក្រុងវ៉ាស៊ីនតោនចាត់ទុកថាជាការគំរាមកំហែងរបស់ចិន នៅសមុទ្រចិនខាងត្បូងនោះទេ។

លោក Mike Pence អនុប្រធានាធិបតីអាមេរិក/ រូបភាព៖ Reuters

ប្រសាសន៍របស់អនុប្រធានាធិបតីអាមេរិករូបនេះបានធ្វើឡើងនៅវិទ្យាស្ថាន Hudson ក្នុងក្រុងវ៉ាស៊ីនតោន ដែលទំនងជាបង្កើនភាពតានតឹងបន្ថែមទៀតរវាងអាមេរិក និងចិន ក្រៅពីជម្លោះពាណិជ្ជកម្ម ដែលប្រទេសទាំងពីរបានចាត់វិធានការពន្ធលើគ្នាទៅវិញទៅមក។

ក្នុងសុន្ទរកថារបស់លោក Mike Pence ដែលសារព័ត៌មាន Reuters ទទួលបាន លោក Mike Pence នឹងផ្ដោតការចាប់អារម្មណ៍ទៅលើហេតុការណ៍ដែលនាវាពិឃាដអាមេរិក USS Decatur បានធ្វើដំណើរចូលទៅក្នុងរយៈចម្ងាយ ១២ណទីខលម៉ាល (ប្រមាណ ២២គីឡូម៉ែត្រ) ពីថ្មប៉ប្រះទឹក Gaven និង Johnson ក្នុងប្រជុំកោះ Spratly កាលពីថ្ងៃអាទិត្យ សប្ដាហ៍មុន។

លោក Mike Pence ក៏នឹងថ្លែងពីនាវាកងទ័ពជើងទឹកចិន ១គ្រឿង ដែលចូលមកក្នុងរយៈចម្ងាយប្រមាណ ៤៥ម៉ែត្រ ពីនាវាពិឃាដ USS Decatur ដែលបានធ្វើប្រតិបត្តិការសេរីភាពនៃនាវាចរណ៍ នៅក្នុងសមុទ្រចិនខាងត្បូង ហើយបង្ខំឲ្យនាវាពិឃាដអាមេរិកធ្វើការចល័ត ដើម្បីបញ្ជៀសការប៉ះទង្គិចគ្នា។

ជាងនេះទៅទៀត លោក Mike Pence ក៏នឹងថ្លែងពីថា "កងទ័ពជើងទឹកអាមេរិកនឹងបន្ដធ្វើនាវាចរណ៍ ហោះហើរ និងប្រតិបត្តិការគ្រប់ទីកន្លែងទាំងអស់ ដែលច្បាប់អន្តរជាតិអនុញ្ញាត និងការទាមទារផលប្រយោជន៍ជាតិរបស់យើង។ យើងនឹងមិនត្រូវបានគំរាមកំហែង។ យើងនឹងមិនដកថយនោះទេ"។

សូមបញ្ជាក់ថា កម្ដៅនៃជម្លោះនៅសមុទ្រខាងត្បូងហាក់កើនឡើងវិញ ក្រោយមន្ទីរបញ្ចកោណអាមេរិច កាលពីថ្ងៃទី៣០ ខែកញ្ញា ២០១៨ ម្សិលមិញ បានបញ្ជាក់ថា នាវាចម្បាំងអាមេរិកមួយគ្រឿងបានចូលទៅក្នុងដែនទឹកនៃប្រជុំកោះជម្លោះ Spratly ក្នុងសមុទ្រចិនខាងត្បូង។ ហើយកាលពីពេលថ្មីៗនេះ យន្តហោះទម្លាក់គ្រាប់បែក B-52 របស់អាមេរិកជាច្រើនគ្រឿងក៏បានហោះចូលមកក្នុងដែនអាកាស នៃសមុទ្រចិនខាងត្បូងផងដែរ៕

អត្ថបទទាក់ទង៖